હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરો
ક્લાસેન અને કોહલીની સદીએ એક ખાસ રેકોર્ડ બનાવ્યો
તમને જણાવી દઈએ કે સનરાઈઝર્સ હૈદરાબાદના વિસ્ફોટક મિડલ ઓર્ડર બેટ્સમેન હેનરિક ક્લાસને 51 બોલમાં અણનમ 104 રન નોંધાવી શાનદાર સદી ફટકારી હતી. ત્યારે બીજી બાજુ આ આક્રમક ઇનિંગ્સમાં 8 ચોગ્ગા અને 6 છગ્ગાની મદદથી સ્કોરબોર્ડ પણ તેણે ચલાવ્યું હતું. આ સિવાય વિરાટ કોહલીએ તેની IPL કરિયરની છઠ્ઠી સદી 62 બોલમાં પૂરી કરી હતી. કોહલીએ આ શાનદાર ઇનિંગમાં 12 ફોર અને 4 સિક્સર ફટકારી હતી. આ બંને ખેલાડીઓએ સદી ફટકારીને એક ખાસ રેકોર્ડ પણ બનાવ્યો હતો.
IPLની એ ઐતિહાસિક ક્ષણ
વાસ્તવમાં, આઈપીએલના ઈતિહાસમાં આ પ્રથમ વખત બન્યું છે કે બંને ટીમના ખેલાડીઓએ એક જ મેચમાં સદી ફટકારી હોય. આ સાથે આઈપીએલમાં ત્રીજી વખત એવું જોવા મળ્યું કે જ્યારે બે ખેલાડીઓએ એક મેચમાં સદી ફટકારી હોય. આ પહેલા આ કારનામું વિરાટ કોહલી-એબી ડી વિલિયર્સ, ડેવિડ વોર્નર, જોની બેયરસ્ટોએ કર્યું હતું.
વિરાટ કોહલીની રેકોર્ડ બ્રેક સદી, ગેઈલ-વોર્નરના રેકોર્ડની કરી બરાબરી
વિરાટ કોહલીએ હૈદરાબાદ સામે 63 બોલમાં 12 ચોગ્ગા અને ચાર સિક્સર સાથે 100 રનની ઈનિંગ્સ રમી હતી. આઈપીએલમાં આ કોહલીની છઠ્ઠી સદી છે. આ સાથે તેણે ક્રિસ ગેઈલના આઈપીએલમાં સૌથી વધુ સદી ફટકારવાના રેકોર્ડની બરાબરી કરી લીધી છે. આ ઉપરાંત કોહલીએ અલગ-અલગ છ આઈપીએલ સિઝનમાં 500થી વધુ રન ફટકારવાના ડેવિડ વોર્નરના રેકોર્ડની પણ બરાબરી કરી લીધી છે.
મેચમાં થયું કંઈક આવું
RCBના કેપ્ટન ફાફ ડુપ્લેસિસે ટોસ જીતીને પહેલા બોલિંગ કરવાનો નિર્ણય કર્યો હતો. આવી સ્થિતિમાં સનરાઇઝર્સ હૈદરાબાદે પ્રથમ બેટિંગ કરતા 20 ઓવરમાં 5 વિકેટે 186 રન બનાવ્યા અને બેંગ્લોરને 187 રનનો ટાર્ગેટ આપ્યો હતો. 187 રનના લક્ષ્યનો પીછો કરતી વખતે કિંગ કોહલી અને ફાફ ડુપ્લેસિસે આરસીબીને જબરદસ્ત શરૂઆત અપાવી હતી. બંને વચ્ચે પ્રથમ વિકેટ માટે 172 રનની શાનદાર ભાગીદારી થઈ હતી. ફાફ અને કોહલીની શાનદાર બેટિંગના કારણે RCBએ 19.2 ઓવરમાં 8 વિકેટે મેચ જીતી લીધી હતી.