ઈન્ડિયન પ્રીમિયર લીગ (આઈપીએલ)ની આગામી સીઝન પહેલા કોહલીએ પોતાની 10મા ધોરણની માર્કસશીટ શેર કરી છે. રોયલ ચેલેન્જર્સ બેંગલોર (RCB)ના પૂર્વ કેપ્ટન કોહલીએ પોતાની ધોરણ 10મા ધોરણની માર્કશીટની એક તસવીર પોસ્ટ કરી. કોહલીએ લખ્યું કે, એ મજેદાર છે કે, કઈ રીતે વસ્તુઓ જે તમારી માર્કશીટમાં સૌથી ઓછું જોડે છે, તમારા ચારિત્ર્યમાં સૌથી વધુ જોડે છે.
વિરાટ કોહલીની 10મા ધોરણની માર્કશીટ.
પૂર્વ ભારતીય કેપ્ટન વિરાટ કોહલીની સોશિયલ મીડિયા પર મોટી સંખ્યામાં ફેન ફોલોઈંગ છે. બધા ફોર્મેટમાં પોતાની સદીના દુકાળને દૂર કર્યા બાદ કોહલી આઈપીએલ 2023માં બેંગલોર માટે પહેલી ટ્રોફી જીતવાની તૈયારી કરી રહ્યો છે. ફાફ ટુ પ્લેસિસની આગેવાનીવાળી રોયલ ચેલેન્જર્સ બેંગલોરનો સામનો રવિવારે એમ ચિન્નાસ્વામી સ્ટેડિયમમાં રોહિત શર્માની મુંબઈ ઈન્ડિયન્સ સામે થશે. કોહલીએ ટી-20 લીગમાં 222 મેચોમાં 6,624 રન બનાવ્યા છે. છેલ્લા કેટલાક સમયથી ખરાબ ફોર્મમાં રહેલા વિરાટે ઓસ્ટ્રેલિયા સામેની મેચમાં ધમાકેદાર દેખાવ કરી પોતાનું ફોર્મ પાછું મેળવ્યું છે.
બેટિંગ આઈકન કોહલીએ 2008માં એમ. ચિન્નાસ્વામી સ્ટેડિયમમાં કોલકાતા નાઈટરાઈડર્સ (KKR) સામે આઈપીએલ ડેબ્યુ કર્યું હતું. આરસીબી આઈકને 5 સદી અને 44 અડધી સદી ફટકારી છે. કોહલીએ ઓસ્ટ્રેલિયાની સામે બોર્ડર-ગાવસ્કર ટ્રોફીમાં પોતાની ટેસ્ટ સદીના દુકાળનો અંત કર્યો હતો. ભારતના પૂર્વ કેપ્ટને ચાર મેચોની ટેસ્ટ સીરિઝમાં રોહિત એન્ડ કંપની માટે સૌથી વધુ રન બનાવનારો ખેલાડી રહ્યો. કોહલીએ બોર્ડર-ગાવસ્કર ટ્રોફીમાં 297 રન બનાવ્યા હતા.