પોતાના કંગાળ ફોર્મ પર વિરાટ કોહલીએ તોડ્યું મૌન, ટીકાકારોને આપ્યો જવાબ
વિરાટ કોહલીને મળવા પાકિસ્તાનથી દુબઈ પહોંચ્યો ફેન
એશિયા કપ પહેલા ટીમ ઈન્ડિયાના ખેલાડીઓ દુબઈમાં આઈસીસી ક્રિકેટ એકેડેમીમાં પ્રેક્ટિસ કરી રહ્યા છે. પ્રેક્ટિસ બાદ વિરાટ કોહલી ટીમની બસમાં હોટેલ પરત જઈ રહ્યો હતો, ત્યારે પાકિસ્તાનના લાહોરથી આવેલો ફેન દોડતો દોડતો તેના તરફ ગયો હતો, પરંતુ સિક્યુરિટી ગાર્ડે તેને રોકી લીધો હતો. કોહલીને મળવા માટે આતુર આ ફેન ઘણા સમય સુધી ગાર્ડને વિનંતી કરતો રહ્યો હતો.
‘હું માત્ર કોહલીનો જ ફેન છું’
વિરાટ કોહલીને ટીમની બસ તરફ જતા જોઈને ફેને તેને બૂમ પાડી હતી. કોહલી તરત જ તેની પાસે ગયો હતો અને સેલ્ફી ક્લિક કરાવી હતી. કોહલીના આ જબરા ફેનનું નામ મહોમ્મદ ઝિબ્રાન છે. મીડિયા સાથે વાત કરતાં તેણે કહ્યું હતું કે, કોહલી તેનો ફેવરિટ ક્રિકેટર છે. આ સાથે તેને મળવાની તકને તેણે યાદગાર ક્ષણ ગણાવી હતી. ઝિબ્રાનના આ વીડિયોને પાક ટીવીએ પોતાની YouTube ચેનલ પર શેર કર્યો છે. કોહલીને મળ્યા બાદ ઝિબ્રાને કહ્યું હતું કે, ‘હું કોઈ બીજાનો ફેન નથી. પરંતુ વિરાટ કોહલીને મળવા માટે હું પાકિસ્તાનથી અહીંયા આવ્યો છું. આ માટે મેં એક મહિનાની રાહ જોઈ છે’.
IND vs PAK: રોહિત શર્મા કે કોહલીથી નહીં પરંતુ આ ક્રિકેટરથી ડરેલી છે પાકિસ્તાનની ટીમ
વિરાટ કોહલીનું કમબેક
જણાવી દઈએ કે, વિરાટ કોહલી એશિયા કપથી ટીમ ઈન્ડિયા માટે કમબેક કરી રહ્યા છે. ઈંગ્લેન્ડની ટુર બાદ તે બ્રેક પર હતો. ગત વર્ષથી તેનું પર્ફોર્મન્સ કંઈ ખાસ રહ્યું નથી. તેવામાં 28 ઓગસ્ટે દુબઈ ઈન્ટરનેશનલ ક્રિકેટ સ્ટેડિયમમાં પાકિસ્તાન સામે મેદાનમાં વાપસી કરશે. હાલમાં જ એક ઈવેન્ટમાં પોતાના ખરાબ પર્ફોર્મન્સ વિશે વાત કરતાં તેણે કહ્યું હતું કે, ‘હું જાણું છું કે હું કયા સ્તરે રમી રહ્યો છું અને તમે પ્રતિકૂળ પરિસ્થિતિઓનો સામનો અને વિવિધ પ્રકારની બોલિંગનો સામનો કરવાની ક્ષમતા વગર આંતરરાષ્ટ્રીય ક્રિકેટમાં આટલી લાંબી સફર ખેડી શકો નહીં. તેથી મારા માટે પ્રક્રિયાને આસાન બનાવવાનો રસ્તો એ છે કે હું મારા પર વધારે દબાણ લાવવા ઈચ્છતો નથી’.