મુંબઈ:કોલકાતા નાઈટ રાઈડર્સના વિસ્ફોટક બેટ્સમેન વેંકટેશ અય્યરે રવિવારે મુંબઈ ઈન્ડિયન્સ સામે પોતાની પ્રથમ આઈપીએલ સદી નોંધાવી છે. MIના હોમ ગ્રાઉન્ડ વાનખેડે સ્ટેડિયમમાં રમાયેલી મેચમાં વેંકટેશે 49 બોલમાં 100 રન બનાવ્યા હતા. 28 વર્ષીય બેટ્સમેન આ સિઝનમાં શાનદાર ફોર્મમાં છે, ટૂર્નામેન્ટમાં તેનો અગાઉનો સર્વોચ્ચ સ્કોર પણ IPLની 16મી સીઝનમાં આવ્યો હતો જ્યારે તેણે ગુજરાત ટાઇટન્સ સામે 40 બોલમાં 83 રન બનાવ્યા હતા. રસપ્રદ વાત એ છે કે, 15 વર્ષ પછી KKRના કોઈ બેટ્સમેને સદી ફટકારી છે. તમને જણાવી દઈએ કે, બ્રેન્ડન મેક્કુલમે વર્ષ 2008માં સદી ફટકારી હતી.51 બોલમાં 104 રન ફટકારીને આઉટ થયો વેંકટેશ
ઉલ્લેખનીય છે કે, મુંબઈએ ટોસ જીતીને બોલિંગ કરવાનો નિર્ણય લીધો હતો. પ્રથમ બેટિંગ કરવા આવતા KKRએ પ્રારંભિક વિકેટ ગુમાવી દીધી હતી કારણ કે એન. જગદીસન અને રહેમાનુલ્લા ગુરબાઝ જલ્દીથી બહાર નીકળી ગયા હતા. જો કે, વેંકટેશે KKR માટે દાવને સ્થિર કર્યો અને સિઝનની બીજી સદી નોંધાવવા માટે 9 છગ્ગા અને 5 ચોગ્ગા ફટકાર્યા. રિલે મેરેડિથની બોલ પર આઉટ થતા પહેલા તેણે 203.92ના સ્ટ્રાઈક રેટથી 51 બોલમાં 104 રન બનાવ્યા હતા.
મુંબઈ સામે અય્યર
53(30)
50(41)
43(24)
104(51)
KKR તરફથી સૌથી વધુ સ્કોર
158* બ્રેન્ડન મેક્કુલમ – 2008
100* વેંકટેશ ઐયર – 2023
97* દિનેશ કાર્તિક – 2019
