ક્યારે ડેડ થાય છે બોલ?
MCC લૉ ઓફ ક્રિકેટ અનુસાર બોલ ત્યારે જ ડેડ થાય છે જ્યારે તે વિકેટકીપર અથવા તો બોલરના હાથમાં સેટ થઈ જાય છે. આ સિવાય જો બાઉન્ડ્રી લાઈનની બહાર જાય અને બેટ્સમેન આઉટ થાય તો તેને ડેડ જાહેર કરવામાં આવે છે. જો બેટ્સમેન આઉટ નહીં થાય તો બોલ ડેડ નહીં ગણાય. અને ગઈ કાલની ભારત અને પાકિસ્તાન વચ્ચેની મેચમાં બેટ્સમેન વિરાટ કોહલી આઉટ નહોતો.
ફ્રી હિટ પર બેટ્સમેન ચાર રીતે આઉટ થઈ શકે છે – રન આઉટ, હેન્ડલ્ડ ધ બોલ, ઓબ્સ્ટ્રક્ટિંગ ધ ફીલ્ડ અથવા હિટ ધ બૉલ ટ્વાઈસ. આ સિવાય કોઈ પણ પ્રકારે બેટ્સમેન આઉટ થશે તો તેને આઉટ માનવામાં નહીં આવે અને આ દરમિયાન તે રન પણ લઈ શકે છે.
IND vs PAK: પાકિસ્તાની કેપ્ટન Babar Azam પણ બન્યો Virat Kohliનો ફેન, તેની પાસેથી શું શીખવાની જરૂર છે જણાવ્યું
જો ફ્રી હિટ પર બેટ્સમેન બોલને હવામાં મારે છે અને કેચ પકડાઈ જાય તો તે દરમિયાન ભાગીને લીધેલા રન બેટ્સમેનના ખાતામાં ઉમેરાઈ શકે છે. જો બોલ બેટના કિનારાથી વિકેટ પર પડે છે તો પણ તે રન લેવા માટે દોડી શકે છે. આ રન પણ બેટ્સમેનના ખાતામાં ઉમેરાઈ શકે છે. જો બોલ ડાઈરેક્ટ વિકેટ પર વાગે છે તો પણ બેટ્સમેનસ રન લઈ શકે છે. જો બેટ્સમેન ક્રીઝથી દૂર રહે છે તો સામે વાળી ટીમ તેને રન આઉટ કરી શકે છે. ગઈકાલની મેચની વાત કરીએ તો બોલ વિરાટના બેટને નહોતો વાગ્યો માટે અમ્પાયર રોડ ટકરે બાઈનો ઈશારો પણ કર્યો હતો. ભારતીય ટીમને તે 3 રન વધારાના મળ્યા હતા.
ઉલ્લેખનીય છે કે ગત સપ્તાહમાં મહિલા બિગ બૈશમાં પર્થ અને મેલબર્ન સ્ટાર્સ વચ્ચે ટક્કર થઈ હતી. આ મેચમાં ફ્રી હિટ બોલ વિકેટ પર પડ્યા પછી બાઉન્ડ્રી લાઈનની બહાર જતો રહ્યો હતો. આ કારણે બેટિંગ કરનારી ટીમને ચાર રન મળ્યા હતા. માટે નિયમ અનુસાર જોવા જઈએ તો વિરાટ કોહલીને મળેલા રન અયોગ્ય નથી, અને પાકિસ્તાન ટીમ સાથે કોઈ અન્યાય થયો નથી.