ICC T20 World Cup 2022: ભારતે બેટિંગમાં દમદાર પ્રદર્શન કર્યું હતું. ભારત માટે સૂર્યકુમાર યાદવ અને લોકેશ રાહુલે ધમાકેદાર બેટિંગ કરી હતી. સૂર્યકુમાર યાદવે 33 બોલમાં 50 રનની ઈનિંગ્સ રમી હતી. જ્યારે લોકેશ રાહુલે 32 બોલમાં 57 રન ફટકાર્યા હતા. જેની મદદથી ભારતે 20 ઓવરમાં સાત વિકેટે 186 રનનો સ્કોર નોંધાવ્યો હતો.
હાઈલાઈટ્સ:
- ટી20 વર્લ્ડ કપમાં સોમવારે રમાયેલી વોર્મ અપ મેચમાં ભારતે શાનદાર પ્રદર્શન કરતા ઓસ્ટ્રેલિયાને હરાવ્યું
- ઓસ્ટ્રેલિયા સામે મોહમ્મદ શમીએ એક ઓવર કરી હતી જેમાં તેણે ત્રણ વિકેટ ઝડપી હતી
- આ મેચમાં વિરાટ કોહલીએ બાઉન્ડ્રી લાઈન પર હવામાં કૂદીને એક હાથે લાજવાબ કેચ પકડ્યો હતો
ભારતે ઓસ્ટ્રેલિયા સામે 187 રનનો લક્ષ્યાંક મૂક્યો હતો. જેના જવાબમાં ઓસ્ટ્રેલિયા 20 ઓવરમાં 180 રન જ નોંધાવી શકી હતી. અંતિમ ઓવરમાં ઓસ્ટ્રેલિયાની ચાર વિકેટ પડી હતી અને બારતે છ રને શાનદાર વિજય નોંધાવ્યો હતો. ભારત માટે મોહમ્મદ શમીએ અંતિમ ઓવર કરી હતી. શમીએ ચારમાંથી ત્રણ વિકેટ ઝડપી હતી જ્યારે એક બેટર રન આઉટ થયો હતો. ઓસ્ટ્રેલિયા માટે સૌથી વધુ રન એરોન ફિંચનો નોંધાવ્યા હતા. તેણે 54 બોલમાં 76 રન ફટકાર્યા હતા. ભારત માટે શમીએ એક ઓવરમાં ચાર રન આપીને ત્રણ વિકેટ ખેરલી હતી. જ્યારે ભુવનેશ્વર કુમારે બે વિકેટ ઝડપી હતી. હર્ષલ પટેલ અને અર્શદીપ સિંહને એક-એક સફળતા મળી હતી.
અગાઉ ભારતે બેટિંગમાં દમદાર પ્રદર્શન કર્યું હતું. ભારતે 20 ઓવરમાં સાત વિકેટે 186 રનનો સ્કોર ખડક્યો હતો. ભારત માટે સૂર્યકુમાર યાદવ અને લોકેશ રાહુલે ધમાકેદાર બેટિંગ કરી હતી. સૂર્યકુમાર યાદવે 33 બોલમાં 50 રનની ઈનિંગ્સ રમી હતી. જ્યારે લોકેશ રાહુલે 32 બોલમાં 57 રન ફટકાર્યા હતા. જેની મદદથી ભારતે 20 ઓવરમાં સાત વિકેટે 186 રનનો સ્કોર નોંધાવ્યો હતો. નોંધનીય છે કે ઓસ્ટ્રેલિયામાં રવિવારથી ટી20 વર્લ્ડ કપનો પ્રારંભ થયો હતો. જેમાં પ્રથમ બે દિવસે બે અપસેટ સર્જાયા છે. રવિવારે નામિબીયાએ શ્રીલંકાને હરાવ્યું હતું. જ્યારે સોમવારે સ્કોટલેન્ડે બે વખતની વર્લ્ડ ચેમ્પિયન વેસ્ટ ઈન્ડિઝ ટીમને હરાવી હતી.
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ