T20 World Cup 2022: પાકિસ્તાન પાસે ઈતિહાસનું પુનરાવર્તન કરવાની તક છે. 30 વર્ષ પહેલા જે રીતે તેને ચમત્કારીક રીતે વન-ડે વર્લ્ડ કપ જીત્યો હતો એ જ રીતે આ વખતે તેની પાસે ટી-20 વર્લ્ડ કપ જીતવાની તક છે. 30 વર્ષ પહેલા ઓસ્ટ્રેલિયાની જ ધરતી પર ઈમરાન ખાનની કેપ્ટનશીપમાં પાકિસ્તાને જે રીતે ફાઈનલમાં પહોંચી વન-ડે વર્લ્ડ કપ જીત્યો હતો, એવા જ સંયોગ હાલ સર્જાયા છે.
હાઈલાઈટ્સ:
- પાકિસ્તાન સેમિફાઈનલમાં ન્યૂઝીલેન્ડને હરાવી ફાઈનલમાં પ્રવેશ્યું ચૂક્યું છે.
- હવે, ભારત-ઈંગ્લેન્ડમાંથી જે જીતશે તેની સામે ફાઈનલમાં ટક્કર થશે.
- પાકિસ્તાને 30 વર્ષ પહેલા આવી જ સ્થિતિમાંથી પસાર થઈ વર્લ્ડ કપ જીત્યો હતો.
શું થયું હતું 30 વર્ષ પહેલા?
1992માં 50 ઓવરના વર્લ્ડ કપની યજમાની ઓસ્ટ્રેલિયા કરી રહ્યું હતું. પહેલી વખત રંગીન કપડાંમાં વર્લ્ડ કપ રમાઈ રહ્યો હતો. હાલના ટી-20 વર્લ્ડ કપની જેમ જ ત્યારે પણ પાકિસ્તાને પોતાના અભિયાનની શરૂઆત હારથી કરી હતી. ત્યારે વેસ્ટઈન્ડીઝે તેને હરાવ્યું હતું, આ વખતે ભારતે હરાવ્યું. પાકિસ્તાનને બંને ટૂર્નામેન્ટમાં ભારત સામે હારનો સામનો કરવો પડ્યો હતો. જેમ આ વખતે બાબરની સેનાએ સતત ત્રણ જીત સાથે દમદાર કમબેક કર્યું, એવું જ 30 વર્ષ પહેલા થયું હતું. 1992માં પણ પાકિસ્તાન 9 પોઈન્ટ્સ સાથે 1992માં ઓસ્ટ્રેલિયા (8 પોઈન્ટ્સ)થી ઉપર ચોથા સ્થાને હતું અને વખતે પણ 6 પોઈન્ટ્સ સાથે સાઉથ આફ્રિકા (5 પોઈન્ટ્સ)થી આગળ હતું.
ત્યારે પણ સેમિફાઈનલમાં ન્યૂઝીલેન્ડને હરાવ્યું હતું
1999ના વર્લ્ડ કપમાં પાકિસ્તાને સેમિફાઈનલમાં ન્યૂઝીલેન્ડને હરાવ્યું અને ફાઈનલમાં ઈંગ્લેન્ડને હરાવી પોતાનો પહેલો વર્લ્ડ કપ જીત્યો હતો. શું આ વખતે પણ એવું જ થશે? બીજી સેમિફાઈનલ ભારત અને ઈંગ્લેન્ડની વચ્ચે 10 નવેમ્બરે એડિલેડમાં રમાવાની છે. જો આ ચમત્કારોને જોવામાં આવે અને સંયોગ પર વિશ્વાસ રાખવામાં આવે, તો ઈંગ્લેન્ડ સામે સેમિફાઈનલમાં ભારત હારશે અને પાકિસ્તાન ફાઈનલ જીતી જશે તેવું બની શકે છે.
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ