ક્લબ ટૂર્નામેન્ટમાં નરેનનો તરખાટ
IPL માટે રવાના થતા પહેલા સુનીલ નરેન ત્રિનિદાદમાં એક ક્લબ ટૂર્નામેન્ટમાં ભાગ લઈ રહ્યો છે. નરેન T&T ક્રિકેટ બોર્ડ પ્રીમિયરશિપ ડિવિઝન 1 માં ક્વીન્સ પાર્ક ક્રિકેટ ક્લબ 1 માટે રમી રહ્યો હતો. તેની ટીમ ક્લાર્ક રોડ યુનાઈટેડ સાથે મેચ રમી રહી હતી. આ મેચમાં નરેને 7 ઓવરમાં એક પણ રન આપ્યો ન હતો એટલે કે તેણે 7 મેડન ઓવર ફેંકી હતી. આ દરમિયાન તેણે 7 બેટ્સમેનોને પણ પેવેલિયન મોકલ્યા હતા. તેની બોલિંગના કારણે ક્લાર્કની ટીમ માત્ર 76 રનમાં ઓલઆઉટ થઈ ગઈ હતી.
ફ્લાઇટમાં વિલંબને કારણે મેચ રમાઇ હતી
સુનીલ નરેન આ મેચમાં રમવાનો નહોતો. તે તેના KKRના સાથી ખેલાડીઓ સાથે ભારત જવાનો હતો. પરંતુ ફ્લાઇટમાં વિલંબને કારણે તેણે મેચ રમવાનો નિર્ણય કર્યો હતો. તેણે છેલ્લી ત્રણ મેચમાં 31 વિકેટ લીધી છે. તેમાં 4 વાર બેક ટુ બેક 5 વિકેટ હોલ પણ લીધા છે.
9 વર્ષથી ટ્રોફીની રાહ જોઈ રહી છે
કોલકાતા નાઈટ રાઈડર્સ 9 વર્ષથી આઈપીએલ ટ્રોફીની રાહ જોઈ રહી છે. ટીમે છેલ્લે 2014માં ગૌતમ ગંભીરની કેપ્ટનશિપમાં ટૂર્નામેન્ટ જીતી હતી. આ વખતે ટીમને આશા રહેશે કે નરેન એ જ ફોર્મ ચાલુ રાખે. જેથી ટીમ ત્રીજી વખત ટૂર્નામેન્ટ જીતવાનું સપનું પૂરું કરી શકે.