સિક્સર્સની ઇનિંગની બીજી ઓવરમાં એક આશ્ચર્યજનક ઘટના બની હતી. જેમાં એક બોલ પર 16 રન બનાવ્યા હતા. આ ઘટના ઈનિંગની બીજી ઓવરના ત્રીજા બોલ પર બની હતી અને તે સમયે સ્ટીવ સ્મિથ સ્ટ્રાઈક પર હતો. સ્મિથે જોએલ પેરિસની બોલ પર સિક્સર ફટકારી, તેમજ નો-બોલ, જેના કારણે કુલ સાત રન મળ્યા હતા. ત્યાર બાદ પેરિસે પછી વાઈડ બોલિંગ કરી હતી. જેમાં વિકેટ કિપરથી મિસ થતા બાઉન્ડ્રી મળી હતી. એટલે કે અત્યાર સુધી 12 રન બની ચૂક્યા હતા અને ત્રીજો બોલ હજુ પૂરો થયો ન હતો. ત્યાં વાઈડને કારણે ફ્રી-હિટ ટકી રહી હતી અને સ્મિથે ત્રીજા બોલ પર ફરી બાઉન્ડ્રી ફટકારી હતી. ત્યાર બાદ સ્મિથે ઓવરના ચોથા બોલ પર ચોગ્ગો ફટકાર્યો હતો. જો જોવામાં આવે તો તે ઓવરમાં કુલ 21 રન થયા હતા.
શું ભારત સ્મિથ બનશે માથાનો દુખાવો
આ પહેલા સ્ટીવ સ્મિથે એડિલેડ સ્ટ્રાઈકર્સ સામે 101 રનની ઈનિંગ રમી હતી. ત્યારબાદ તેણે સિડની થંડર્સ સામે અણનમ 125 રન બનાવ્યા હતા. 33 વર્ષીય સ્મિથનું વર્તમાન ફોર્મ ટીમ ઈન્ડિયા માટે ચિંતાનો વિષય છે. ફેબ્રુઆરી-માર્ચમાં ભારતને ઓસ્ટ્રેલિયા સામે ચાર મેચની ટેસ્ટ શ્રેણી રમવાની છે. જેમાં સ્મિથ ભારતીય ટીમ માટે માથાનો દુખાવો સાબિત થઈ શકે છે. જોકે સ્મિથનો ભારત સામે ટેસ્ટ ક્રિકેટમાં શાનદાર રેકોર્ડ છે અને તેણે અત્યાર સુધીમાં આઠ સદી ફટકારી છે.
જોએલ પેરિસની ઓવર
- 1.1 – 0 રન
- 1.2 – 0 રન
- 1.3 – 7 રન (નો બોલ+6)
- 1.3 – 5 રન (વાઇડ+ફોર)
- 1.3 – 4 રન
- 1.4 – 4 રન
- 1.5 – 1 રન
- 1.6 – 0 રન
સિડનીને 181 રનનો ટાર્ગેટ આપ્યો હતો.
મેચની વાત કરીએ તો સિડની સિક્સર્સે 20 ઓવરમાં સાત વિકેટે 180 રન બનાવ્યા હતા. જ્યાં સ્મિથે 66 રનની ઇનિંગ રમી હતી. તે જ સમયે બેન દ્વારશુઈસે 30 અને કેપ્ટન મોઈસ હેનરિક્સે 23 રનનું યોગદાન આપ્યું હતું. હોબાર્ટ તરફથી પેટ્રિક ડુલીએ ત્રણ વિકેટ ઝડપી હતી. જોકે નાથન એલિસ, ફહીમ અશરફ, રિલે મેરેડિથ અને જોએલ પેરિસને એક-એક વિકેટ મળી હતી. જેના જવાબમાં હોબાર્ટ હરિકેન્સની ટીમ આઠ વિકેટે 156 રન જ બનાવી શકી હતી અને તેને 24 રનથી હારનો સામનો કરવો પડ્યો હતો.
Read Latest Sports News And Gujarat News