એકસમયે અજય જાડેજાના પ્રેમમાં પાગલ હતી માધુરી દીક્ષિત! ઘર-પરિવાર પણ છોડવા તૈયાર હતી!
કુંડલી ભાગ્યના લીડ એક્ટર્સ સાથે શિખર ધવન
આગામી એપિસોડમાં ‘કુંડલી ભાગ્ય’માં શિખલ ધવન પોલીસના રોલમાં જોવા મળશે તેવી અટકળો પર અભિષેક કપૂરે પૂર્ણવિરામ મૂક્યું છે. તેણે કહ્યું કે, ક્રિકેટર શોમાં આવવાનો છે તે વાત ખોટી છે. આ તસવીરો થોડા અઠવાડિયા પહેલા લેવામાં આવી હતી. તેથી, જે અફવાઓ છે તે બિનજરૂરી અને પાયાવિહોણી છે. જે સેટ પર સીરિયલનું શૂટિંગ થઈ રહ્યું છે ત્યાં ક્રિકેટર ગયો હશે અને તે વખતે તસવીરો લેવામાં આવી હશે તેમ લાગી રહ્યું છે. આ સિવાય અભિષેક કપૂર અંડર-19 પ્લેયર રહી ચૂક્યો છે અને શિખર તેને ઓળખતો હોય તેવું પણ બની શકે.
શિખર ધવને શેર કર્યો વીડિયો
શિખર ધવનને પણ એક દિવસ પહેલા ઈન્સ્ટાગ્રામ હેન્ડલ પર એક વીડિયો શેર કર્યો હતો. જેમાં તે પોલીસના લૂકમાં કેટલાકને પકડીને તેમને ધમકાવતો જોવા મળ્યો હતો. આ સાથે તેણે લખ્યું હતું ‘આલી રે આલી! આતા તુજી બારી આલી! ખૂબ જલ્દી કંઈક નવું આવી રહ્યું છે’.
‘ડબલ એક્સએલ’ ફિલ્મથી બોલિવુડમાં ડેબ્યૂ
શિખર ધવનની વાત કરીએ તો, તેણે સોનાક્ષી સિન્હા, હુમા કુરેશી અને ઝહીર ઈક્બાલથી ફિલ્મ ‘ડબલ એક્સએલ’થી એક્ટિંગ ડેબ્યૂ કર્યું હતું, જેમાં તેણે કેમિયો કર્યો હતો.
વર્લ્ડ કપથી મેદાનમાં કમબેક કરે તેવી શક્યતા
શિખર ધવન છેલ્લે ડિસેમ્બર 2022માં બાંગ્લાદેશ સામેની વનડે સીરિઝમાં ભારત તરફથી રમતો જોવા મળ્યો હતો. જો કે, તેમાં તેના ખરાબ ફોર્મના કારણે ત્યારબાદની બાકીની મેચોમાંથી પડતો મૂકાયો હતો. અનુભવી ખેલાડી હોવાથી ભારતમાં યોજાનારા વર્લ્ડ કપ 2023માં ટીમમાં તેને જગ્યા આપવામાં આવશે તેવી પૂરેપૂરી શક્યતા છે. ક્રિકેટર પણ કમબેક કરવાની વર્લ્ડ કપમાં ભારતને સફળતા અપાવવા માટે ભાગ ભજવવા તૈયાર છે. ફેબ્રુઆરીમાં કેટલાક મીડિયાકર્મીઓ સાથે વાતચીત કરતાં તેણે કહ્યું હતું કે, તે સફળતા અને નિરાશા તેમ બંને સાથે ડીલ કરતાં શીખી ગયો છે. આ સાથે તેણે વર્લ્ડ કપમાં રમવાની ઉત્સુકતા દર્શાવી હતી. શિખર ધવન ખૂબ જલ્દી આઈપીએલની ફ્રેન્ચાઈઝી પંજાબ કિંગ્સનું નેતૃત્વ કરતો જોવા મળશે, જેની શરૂઆત 31 માર્ચથી થવાની છે.
Read latest Cricket News and Gujarati News