Chintan Rami | I am Gujarat | Updated: 10 Nov 2022, 7:20 pm
T20 World Cup 2022, India vs England Semifinal: ઈંગ્લેન્ડ સામેની મેચ પૂરી થાય બાદ જ્યારે ટીમ ઈન્ડિયાના ખેલાડીઓ ઈંગ્લેન્ડ ટીમના ખેલાડીઓ સાથે હાથ મીલાવીને ડગઆઉટમાં પહોંચ્યા હતા. ત્યારે રોહિત શર્મા ભાવુક બની ગયો હતો. આ દરમિયાન જોવા મળ્યું હતું કે ટીમના મુખ્ય કોચ રાહુલ દ્રવિડ રોહિત શર્માને કંઈક સમજાવી રહ્યા હતા.
હાઈલાઈટ્સ:
- T20 વર્લ્ડ કપમાં બીજી સેમિફાઈનલમાં ભારતને ઈંગ્લેન્ડ સામે 10 વિકેટે પરાજયનો સામનો કરવો પડ્યો હતો
- ભારતે ઈંગ્લેન્ડ સામે 169 રનનો લક્ષ્યાંક મૂક્યો હતો, જેને ઈંગ્લેન્ડે 16 ઓવરમાં વિના વિકેટે પાર પાડ્યો હતો
- ઈંગ્લેન્ડ સામે પરાજય બાદ રોહિત શર્મા ભારતીય ડગ આઉટમાં પહોંચ્યો હતો અને રડી પડ્યો હતો
ઈંગ્લેન્ડ સામેની મેચ પૂરી થાય બાદ જ્યારે ટીમ ઈન્ડિયાના ખેલાડીઓ ઈંગ્લેન્ડ ટીમના ખેલાડીઓ સાથે હાથ મીલાવીને ડગઆઉટમાં પહોંચ્યા હતા. ત્યારે રોહિત શર્મા ભાવુક બની ગયો હતો. આ દરમિયાન જોવા મળ્યું હતું કે ટીમના મુખ્ય કોચ રાહુલ દ્રવિડ રોહિત શર્માને કંઈક સમજાવી રહ્યા હતા. વાતચીત દરમિયાન રોહિત શર્મા પોતાના પર નિયંત્રણ રાખી શક્યો ન હતો અને તેની આંખોમાં આંસુ આવી ગયા હતા.
કોહલી-હાર્દિકની અડધી સદીથી ભારતે 168 રનનો સ્કોર કર્યો હતો
સેમિફાઈનલમાં ઈંગ્લેન્ડના સુકાની જોસ બટલરે ટોસ જીતીને ભારતને બેટિંગનું આમંત્રણ આપ્યું હતું. જોકે, ભારતીય બેટર્સનું પ્રદર્શન નિરાશાજનક રહ્યું હતું. લોકેશ રાહુલ પાંચ, રોહિત શર્મા 27 અને સૂર્યકુમાર યાદવ 14 રન નોંધાવીને આઉટ થયા હતા. જોકે, વિરાટ કોહલી અને હાર્દિક પંડ્યાએ બાજી સંભાળી હતી અને અડધી સદી ફટકારીને ટીમના સ્કોરને 168 સુધી પહોંચાડ્યો હતો. કોહલીએ 50 રન નોંધાવ્યા હતા જ્યારે હાર્દિકે અંતિમ ઓવર્સમાં તોફાની બેટિંગ કરતા 33 બોલમાં 63 રનની ધમાકેદાર ઈનિંગ્સ રમી હતી.
એલેક્સ હેલ્સ અને જોસ બટલરે મચાવ્યું તોફાન, ભારતીય ટીમ લાચાર
169 રનના લક્ષ્યાંકના જવાબમાં સુકાની જોસ બટલર અને એલેક્સ હેલ્સની જોડી ઓપનિંગમાં આવી હતી. આ જોડીએ એવી તોફાની બેટિંગ કરી હતી કે 169 રનનો લક્ષ્યાંક એકદમ આસાન બની ગયો હતો. આ જોડીએ ફક્ત 16 ઓવરમાં જ મેચ પૂરી કરી દીધી હતી. ઈંગ્લેન્ડે એક પણ વિકેટ ગુમાવ્યા વગર 10 વિકેટે વિજય નોંધાવ્યો હતો. એલેક્સ હેલ્સે 47 બોલમાં 86 રન ફટકાર્યા હતા. જ્યારે જોસ બટલરે 49 બોલમાં 80 રનની ઈનિંગ્સ રમી હતી.
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ