rohit sharma, IND vs AUS: Rohit Sharmaને પસંદ ન આવી Ishan Kishanની આ હરકત, મારવા માટે ઉગામ્યો હાથ! – ind vs aus rohit sharma jokingly tries to slap ishan kishan during first day of ahmedabad test

વાયરલ થયો રોહિત શર્માનો વીડિયો

ઈશાન કિશન આ મેચમાં પ્લેઈંગ ઈલેવનનો ભાગ નથી. તે સાથી ખેલાડીઓ માટે પાણી લઈને મેદાન પર આવ્યો હતો. રોહિત શર્મા બોટલમાંથી પાણી પી રહ્યો હતો. તેણે દોડીને આવી રહેલા ઈશાનને પાણી પીને બોટલ પરત કરી હતી. આ દરમિયાન તેના હાથમાંથી બોટલ ગ્રાઉન્ડ પર પડી ગઈ હતી. તે વખતે ઈશાન થોડો આગળ જતો રહ્યો હતો પરંતુ બોટલ હાથમાંથી પડી હોવાનું ધ્યામાં આવતાં તે પરત આવ્યો હતો અને તે ઉઠાવી હતી. આ સમયે રોહિતે મજાકિયા અંદાજમાં તેને મારવા માટે હાથ ઉગામ્યો હતો. પરંતુ ત્યાં સુધીમાં ઈશાન જતો રહ્યો હતો. રોહિત શર્મા આવું પહેલા પણ કરી ચૂક્યો છે. સપ્ટેમ્બરમાં ઓસ્ટ્રેલિયા સામેની ટી20 સીરિઝ દરમિયાન રોહિતે વિકેટકીપર દિનેશ કાર્તિકનું ગળુ પકડી લીધું હતું.

IND vs AUS ચોથી ટેસ્ટઃ ઉસ્માન ખ્વાજાની સદી, અમદાવાદમાં ઓસ્ટ્રેલિયાના નામે રહ્યો પ્રથમ દિવસ

પહેલો દિવસ ઓસ્ટ્રેલિયાના નામે રહ્યો
ઓસ્ટ્રેલિયાએ પહેલા દિવસે સ્ટંપ્સ સુધી 4 વિકેટ પર 255 રન બનાવ્યા છે. ઓપનિંગ બેટ્સમેન ઉસ્માન ખ્વાજાએ 104 અને કેમરુન ગ્રીન 49 રન બનાવી ક્રીઝ પર ટકેલો છે. જો કે, બેટિંગ માટે સરળ પિચ પર માર્નસ લાબુશેન (3), સ્ટીવ સ્મિથ (38), પીટર હેંડ્સકોમ્બ (17) અને ટ્રેવિસ હેડ (32) મોટી ઈનિંગ રમી શક્યા નહીં. ભારત માટે મહોમ્મદ શનીએ બે જ્યારે આર અશ્વિન અને રવિન્દ્ર જાડેજાએ 1-1 વિકેટ લીધી છે.

WTCના ફાઈનલમાં જગ્યા બનાવવા ભારતે જીતવી પડશે મેચ
બોર્ડર-ગાવસ્કર ટ્રોફીની પહેલી બે મેચ ભારતે પોતાના નામે કરી હતી જ્યારે ઈંદોરમાં રમાયેલી ત્રીજી મેચમાં ઓસ્ટ્રેલિયા સામે હાર થઈ હતી. આ સાથે મહેમાન ટીમ વર્લ્ડ ટેસ્ટ ચેમ્પિયનશિપના ફાઈનલમાં પોતાની જગ્યા બનાવી લીધી છે. જો ભારત અમદાવાદ ટેસ્ટ જીતે છે તો તેના માટે પણ WTCના ફાઈનલમાં પહોંચવાની આશા જીવંત રહેશે.

Read latest Cricket News and Gujarati News