IPL 2023: પંતના સ્થાને આ સ્ટાર ખેલાડીને સોંપાશે સુકાની પદ! બદલાશે દિલ્હી કેપિટલ્સનું નસીબ?
પંત સાથે યુવરાજ સિંહની મુલાકાત
સોશિયલ મીડિયા હેન્ડલ પર શેર કરેલી તસવીરમાં યુવરાજ સિંહ અને રિષભ પંત કાઉચ પર બેઠા છે. યુવરાજે ઓરેન્જ ટીશર્ટ અને બેઝ કલરની શોર્ટ્સ પહેરી છે, તો પંત સ્કાય બ્લૂ ટીશર્ટ અને શોર્ટ્સમાં જોવા મળી રહ્યો છે. તેના જમણા પગમાં પાટો બાંધેલો છે. તેના ચહેરા પરનું સ્મિત હવે તેની તબિયત ઠીક હોવાનું કહે છે. તસવીરની સાથે લખ્યું છે ‘પા પા પગલી ભરી રહ્યો છે!! આ ચેમ્પિયન ફરીથી ઉભા થવાની તૈયારીમાં છે. તેને મળવાની અને વાતો કરવાની મજા આવી. તે હંમેશા પોઝિટિવિટીથી ભરેલો રહે છે અને ફની છે. તને વધુ તાકાત મળે’. પંતને ખુશ જોઈને તેના ફેન્સ પણ ખુશ થયા છે. કેટલાકે તેને યોદ્ધા ગણાવ્યો છે તો કેટલાકે વધારે મજબૂતી સાથે મેદાનમાં પરત ફરવાનું કહ્યું છે. અમુક ફેન્સે તેને હવેથી ડ્રાઈવિંગ કરતી વખતે ખાસ ધ્યાન રાખવાની સલાહ આપી છે. યુવરાજના વખાણ કરતાં એક ફેને લખ્યું છે ‘તમે ટીમના યુવા ખેલાડી માટે પ્રેરણાસ્ત્રોત છો’.
ભયંકર અકસ્માત બાદ પંતે પહેલીવાર શેર કર્યો વીડિયો, સ્વિમિંગ પૂલમાં ચાલતો દેખાયો
રિકવર થઈ રહ્યો છે રિષભ પંત
રિષભ પંતની વાત કરીએ તો, તે રૂડકી જઈ રહ્યો હતો ત્યારે તેનો અકસ્માત થયો હતો. તેની કાર ઓવરસ્પીડમાં હતી અને ઝોકું આવી જતાં ઘટના બની હતી. કાર પલટી જતાં ત્યાંના સ્થાનિકોએ બહાર કાઢવામાં મદદ કરી હતી. તેને તરત જ દેહરાદૂનની હોસ્પિટલમાં લઈ જવામાં આવ્યો હતો, જ્યાં કેટલીક સારવાર અપાયા બાદ લિગામેન્ટ ટીયરની સર્જરી માટે મુંબઈની કોકિલાબેન ધીરુભાઈ અંબાણી હોસ્પિટલમાં એરલિફ્ટ કરાયો હતો.
દિલ્હી કેપિટલ્સની કમાન કોના હાથમાં?
રિષભ પંત સંપૂર્ણરીતે રિકવર થયો નથી અને તેની એક સર્જરી હજી કરવાની બાકી છે. તે અનિશ્ચિત સમય માટે મેદાનથી દૂર છે અને IPL 2023માં રમવાનો નથી. ત્યારે દિલ્હી કેપિટલ્સનું સુકાની પદ તેની ગેરહાજરીમાં ડેવિડ વોર્નરને સોંપાશે તેવી ચર્ચા છે.
Read latest Cricket News and Gujarati News