rishabh pant, 10 રન નોંધાવીને આઉટ થયા બાદ રિશભ પંતે કરાવી મસાજ, ટ્વિટર પર ક્રિકેટપ્રેમીઓએ ઉડાવી મજાક – rishabh pant got a massage after scoring 10 runs cricket fans made fun of him on social media

અત્યંત ખરાબ શોટ રમીને આઉટ થયો હતો રિશભ પંત
રિશભ પંત પોતાની વિકેટ ફેંકી દે છે તેવું ઘણા નિષ્ણાતો કહી રહ્યા છે અને ન્યૂઝીલેન્ડ સામેની અંતિમ વન-ડેમાં પણ આવું જ જોવા મળ્યું હતું. ન્યૂઝીલેન્ડ સામેની ત્રીજી વનડેમાં તેની પાસેથી મોટી ઈનિંગ્સની આશા રાખવામાં આવી રહી હતી. જોકે, તે ફક્ત 10 રન નોંધાવીને પેવેલિયન ભેગો થઈ ગયો હતો. પંત 21મી ઓવરના ત્રીજા બોલ પર એક અત્યંત ખરાબ શોટ રમીને આઉટ થયો હતો. પંતે ડેરિલ મિચેલના બોલ પર ગ્લેન ફિલિપ્સને કેચ આપ્યો હતો.
રિશભ પંતને લઈને કોઈ અપડેટ આપવામાં આવી નથી
માનવામાં આવી રહ્યું છે કે રિશભ પંતની પીઠમાં કોઈ સમસ્યા છે જેના કારણે તે ડ્રેસિંગ રૂમમાં મસાજ લેતો જોવા મળ્યો હતો. જોકે, ભારતીય ક્રિકેટ કંટ્રોલ બોર્ડે પંતને લઈને હજી સુધી કોઈ અપટેડ જાહેર કર્યું નથી. રિશભ પંત ન્યૂઝીલેન્ડ બાદ હવે બાંગ્લાદેશ પ્રવાસ પર પણ ટીમ ઈન્ડિયા સાથે જઈ રહ્યો છે.