RCBને હાર બાદ તગડો ઝટકો, કેપ્ટન ફાફ ડુપ્લેસિસે આ કારણે ચૂકવવા પડશે લાખો રુપિયા – ipl 2023 rcb captain faf du plessis fined for maintaining a slow over rate during match against lsg

RCBની સતત બીજી હાર
RCBએ આ આઈપીલ સિઝનની શરુઆત જીત સાથે કરી હતી. મુંબઈ ઈન્ડિયન્સને તેણે એક તરફી હાર આપી હતી. જે બાદ RCBને કેકેઆરે ખરાબ રીતે હરાવ્યા હતા અને હવે એલએસજીએ પણ રોમાંચક અંદાજમાં હાર આપી હતી. RCBની ટીમ હવે પોઈન્ટ્સ ટેબલમાં સાતમા નંબરે પહોંચી ગઈ છે. સોમવારની રાત્રે થયેલા મુકાબલામાં RCBએ પહેલી બેટિંગ કરતા 2 વિકેટ પર 212 રનનો વિશાળ સ્કોર ઉભો કર્યો હતો. વિરાટ કોહલી, ફાફ ડુપ્લેસિસ અને મેક્સવેલની ત્રિપુટીએ અડધી સદી ફટકારી હતી. જો કે, અહીં લખનૌની ટીમના માર્કસ સ્ટોયનિસ અને નિકોલસ પૂરને ધમાકેદાર અડધી સદી ફટકારીને ગેમ ચેન્જ કરી દીધી હતી અને આરસીબીને છેલ્લી બોલે હાર મેળવવી પડી હતી. લખનૌની ટીમે આ મેચ એક વિકેટથી જીતી હતી.
IPL: પૂરનની 15 બોલમાં અડધી સદીથી લખનૌનો દિલધડક વિજય, અંતિમ બોલ પર હાર્યું બેંગલોર
સ્ટોઈનિસ અને નિકોલસ પૂરનની ઝંઝાવાતી બેટિંગથી લખનૌનો વિજય
લખનૌ સામે 213 રનનો લક્ષ્યાંક આવ્યો હતો. જેના જવાબમાં ટીમની શરૂઆત અત્યંત કંગાળ રહી હતી. 23 રનમાં ટીમે પોતાની ત્રણ વિકેટ ગુમાવી દીધી હતી. જેમાં ઓપનર કાયલે માયર્સ ખાતું પણ ખોલાવી શક્યો ન હતો. જ્યારે દીપક હૂડા નવ રન નોંધાવીને પેવેલિયન ભેગો થયો હતો. કૃણાલ પંડ્યા પણ ખાતું ખોલાવી શક્યો ન હતો. જ્યારે ઓપનર કેપ્ટન લોકેશ રાહુલ 20 બોલમાં 18 રનનું યોગદાન આપી શક્યો હતો. ટીમે 99 રનના સ્કોર પર ચાર વિકેટ ગુમાવી દીધી હતી અને મુશ્કેલીમાં મૂકાઈ ગઈ હતી.

નિકોલસ પૂરનની 15 બોલમાં અડધી સદી
જોકે, માર્ક્સ સ્ટોઈનિસ અને નિકોલસ પૂરને ત્યારબાદ ઝંઝાવાતી બેટિંગ કરી હતી અને મેચની બાજી પલટી નાંખી હતી. નિકોલસ પૂરને તો 15 બોલમાં અડધી સદી ફટકારી દીધી હતી. આ જોડીએ બેંગલોરના હાથમાંથી જીતનો કોળિયો છીનવી લીધો હતો. નિકોલસ પૂરને 19 બોલમાં જ 62 રન ફટકારી દીધા હતા. જેમાં ચાર ચોગ્ગા અને સાત સિક્સર સામેલ હતી. જ્યારે સ્ટોઈનિસે 30 બોલમાં છ ચોગ્ગા અને પાંચ સિક્સરની મદદથી 65 રન ફટકાર્યા હતા. આયુષ બદોનીએ પણ 24 બોલમાં 30 રનનું યોગદાન આપ્યું હતું. બેંગલોર માટે મોહમ્મદ સિરાજ અને વેન પાર્નેલે ત્રણ-ત્રણ વિકેટ ઝડપી હતી. જ્યારે હર્ષલ પટેલને બે તથા કર્ણ શર્માને એક વિકેટ મળી હતી.

કોહલી, ડુપ્લેસિસ અને મેક્સવેલની તોફાની બેટિંગ
લખનૌ સુપર જાયન્ટ્સ ટીમે ટોસ જીતીને બેંગલોરને પ્રથમ બેટિંગનું આમંત્રણ આપ્યું હતું. જેનો ફાયદો ઉઠાવતા વિરાટ કોહલી અને કેપ્ટન ફાફ ડુપ્લેસિસની ઓપનિંગ જોડીએ તોફાની અંદાજમાં બેટિંગ કરી હતી. કોહલી અને ફાફ ડુપ્લેસિસે 11.3 ઓવરમાં 96 રન ફટકારી દીધા હતા. કોહલી અને ડુપ્લેસિસ બંનેએ અડધી સદી ફટકારી હતી. કોહલીએ 44 બોલમાં 61 રન ફટકાર્યા હતા જેમાં ચાર ચોગ્ગા અને ચાર સિક્સર સામેલ હતી.
IPLમાં કોહલીનો વિરાટ રેકોર્ડ તોડશે શુભમન ગિલ! રવિ શાસ્ત્રીએ કરી ભવિષ્યવાણી
ડુપ્લેસિસના 46 બોલમાં 79 અણનમ રન
જ્યારે ડુપ્લેસિસે 46 બોલમાં 79 રનની અણનમ ઈનિંગ્સ રમી હતી. જેમાં તેણે પાંચ ચોગ્ગા અને પાંચ સિક્સર ફટકારી હતી. ગ્લેન મેક્સવેલે પણ સારી શરૂઆતનો ફાયદો ઉઠાવ્યો હતો અને તેણે પણ તાબડતોબ બેટિંગ કરતાં અડધી સદી ફટકારી હતી. તેણે 29 બોલમાં ત્રણ ચોગ્ગા અને છ સિક્સર ફટકારી હતી. બેંગલોરે 20 ઓવરમાં બે વિકેટે 212 રનનો સ્કોર નોંધાવ્યો હતો. લખનૌ માટે માર્ક વૂડ અને અમિત મિશ્રાએ એક-એક વિકેટ ઝડપી હતી.
Latest IPL News And Gujarat News