હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરો
પહેલા બેટિંગ કરતા ચેન્નઈએ 200 રનનો સ્કોર ખડક્યો હતો. લક્ષ્યનો પીછો કરવા ઉતરેલી પંજાબની ટીમના ધવન અને પ્રભસિમરને 26 દડામાં 50 રનની ભાગીદારી કરી ઝડપી શરૂઆત કરી હતી. દેશપાંડેએ પાંચમી ઓવરમાં ચોગ્ગો ખાધા પછી ધવનને કેચ આઉટ કરાવ્યો. પાવરપ્લેમાં ટીમનો સ્કોર એક વિકેટ 62 રન હતો. પ્રભસિમરનએ 8મી ઓવરમાં મોઈન અલીની સામે બીજો છગ્ગો લગાવ્યો, પરંતુ તે પછીની ઓવરમાં રવિન્દ્ર જાડેજાની ફિરકીમાં ફસાઈ ગયો અને મહેન્દ્ર સિંહ ધોનીએ સ્ટમ્પ કરવામાં કોઈ ભૂલ ન કરી. અથર્વ તાયડે (17 બોલમાં 13 રન) 11મી ઓવરમાં દડો જાડેજાના હાથમાં જ આપી બેઠો. આ જ દડે લિયામ લિવિંગસ્ટોનને તેણે આઉટ કર્યો, પણ એ એક મજાક હતી.
પહેલા કેચ પછી રન આઉટ
હકીકતમાં, પોતાના જ ફોલો થ્રુમાં અથર્વ તાયડેનો સરળ કેચ ઝડપ્યા પછી જાડેજાને મજાક કરવાનો મૂડ થઈ ગયો. તે તાયડેને માત્ર બાઈડ બોલિંગ કરી રહ્યો હતો, આખરે આ વાર નિશાન પર લાગ્યું. 17 દડામાં 13 રન બનાવી એક રિટર્ન કેચ આપી બેઠો. કેચ લીધા પછી જાડેજાએ જોયું કે, નોન સ્ટ્રાઈક એન્ડ પર રહેલો લિયામ લિવિંગસ્ટોન ક્રીઝની બહાર છે, એવામાં જાડેજાએ મજાક-મજાકમાં તેને પણ રન આઉટ કરવાનો પ્રયાસ કર્યો. અમ્પાયર પણ હસવાનું રોકી શક્યા નહીં. આઉટ થતા પહેલા લિયામ લિવિંગસ્ટોને 24 દડામાં 40 રન બનાવ્યા. 16મી ઓવરમાં તેણે ત્રણ છગ્ગા ફટકારી મેચ પંજાબ તરફ કરી નાખી હતી.