હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરો
મુંબઈ અને ચેન્નઈ વચ્ચે હતી ટક્કર
મહેન્દ્ર સિંહ ધોની તે સમયે ભારત માટે ટી20 અને વનડેનો કેપ્ટન હતો. તે ટી20 વર્લ્ડ કપનો ખિતાબ પણ જીતાડી ચૂક્યો હતો. તેની બોલી 4 લાખ અમેરિકન ડોલરથી શરૂ થઈ હતી. જ્યાં સુધી બોલી 9 લાખ અમેરિકન ડોલર પાર કરી ગઈ ત્યાં સુધી માત્ર બે જ ટીમ મેદાનમાં હતી- મુંબઈ ઈન્ડિયન્સ અને ચેન્નઈ સુપર કિંગ્સ. અંતમાં ચેન્નઈએ બાજી મારી હતી અને મુંબઈ પાસે હાથ ધોવા સિવાય કોઈ વિકલ્પ નહોતો. પરંતુ આમ થયું કેવી રીતે?
ધોનીને બાળપણના મિત્રએ શીખવ્યો હતો હેલિકોપ્ટર શોટ, બદલામાં માગી હતી આ વસ્તુ
આઈપીએલનો તે નિયમ શું હતો?
આઈપીએલ 2008માં આઈકોન પ્લેયરનો નિયમ હતો. એટલે કે હરાજી પહેલા ફ્રેન્ચાઈઝી એક આઈકોન ખેલાડીને પોતાની સાથે જોડી શકતી હતી. તેને ટીમના સૌથી મોંઘા ખેલાડીથી 15 ટકા વધારે સેલેરી આપવાનો નિયમ હતો. એક ટીમ પાસે કુલ 5 મિલિયન હતા એટલે તેમને એટલામાં જ ખેલાડીને ખરીદવાનો હતો. મુંબઈ ઈન્ડિયન્સે સચિન તેંડુલકર, દિલ્હી કેપિટલ્સે વિરેન્દ્ર સહેવાગ, કોલકાતા નાઈટ રાઈડર્સે સૌરવ ગાંગુલી, રોયલ ચેલેન્જર્સ બેંગ્લોરે રાહુલ દ્રવિડ અને પંજાબ સુપર કિંગ્સે યુવરાજ સિંહને પોતાના આઈકોન ખેલાડી તરીકે પસંદ કર્યો હતો. ચેન્નઈ સુપર કિંગ્સ પાસે કોઈ આઈકોન ખેલાડી નહોતો.
કોણ છે એ ડોકટર જેણે કરી ધોનીના ઘૂંટણની સર્જરી, પંત અને જાડેજાએ પણ લીધી છે સારવાર
1.5 મિલિયન ડોલરથી આગળ ન વધ્યું મુંબઈ
એમએસ ધોનીને ખરીદવા વિશે થોડા સમય પહેલા ટીમના માલિક એન શ્રીવાસને ખુલાસો કર્યો હતો. તેમણે કહ્યું હતું કે ‘અચાનક મુંબઈ ધોની માટે 1.5 મિલિયન ડોલર સુધી આવી ગયું હતું. કદાચ ત્યારે તેને અહેસાસ થયો હતો કે, તેને આઈકોન ખેલાડીને સૌથી મોંઘા ખેલાડીથી 10 ટકા વધારે આપવા પડે છે. તેવામાં તેના 3 મિલિયનથી વધારે જતા રહેત અને કંઈ બચત નહીં. આ રીતે ધોની ચેન્નઈમાં આવી ગયો’
પાંચ વખત ચેમ્પિયન બન્યું CSK
ચેન્નઈ સુપર કિંગ્સે એમએસ ધોનીને પહેલી જ સીઝનમાં કેપ્ટન બનાવી દીધો હતો. ટીમ ફાઈનલ પહોંચી પરંતુ અંતમાં રાજસ્થાન રોયલ્સ સામે હાર મળી હતી. 2010માં ધોનીની કેપ્ટનશિપમાં ટીમ ચેમ્પિયન બની હતી. 2011માં ફરીથી ખિતાબ પોતાના નામે કર્યો હતો. બાદમાં 2018 અને 2021 આઈપીએલ ચેમ્પિયન બની. ગત સોમવારે ગુજરાત ટાઈટન્સને હરાવીને ધોનીની ટીમ પાંચમી વખત જીતી
Read latest Cricket News and Gujarati News