IPL 2023: ફોટો સેશન માટે દરેક ટીમના કેપ્ટન આવ્યા હતા અમદાવાદ, રોહિત શર્મા કેમ રહ્યો ગેરહાજર?
CSKના ખેલાડીઓએ ખાધા જલેબી-ફાફ઼ડા
ચેન્નઈ સુપર કિંગ્સના ઓફિશિયલ સોશિયલ મીડિયા હેન્ડલ પરથી વીડિયો શેર કરવામાં આવ્યો છે. જેમાં જોઈ શકાય છે, અજિંક્ય રહાણે અને દીપક ચહર સહિતના ખેલાડીઓ પ્રેક્ટિસ કરી રહ્યા છે અને તે જ સમયે વરસાદ શરૂ થાય છે. દરેક દોડતા-દોડતા સ્ટેન્ડમાં જઈને બેસી જાય છે. ક્લિપમાં આગળ તમામને ફાફડા અને જલેબીની મોજ માણતા જોઈ શકાય છે. કેપ્ટન ધોની ટીમના એક સભ્યને નાસ્તા વિશે માહિતી આપી રહ્યો છે. કેપ્શનમાં લખ્યું છે ‘વરસાદમાં યોગ્ય નાસ્તો પસંદ કરી રહ્યા છીએ #WhenInGujarat #WhistlePodu’. એક ફેને કોમેન્ટ કરતાં લખ્યું છે ‘ગાંઠિયા, જલેબી, ફાફડા… ધોની ભાઈ આપણા’. એક ફેને લખ્યું છે ‘વાહ ભાઈ વાહ ઢોકળા જલેબી ફાફડાની મોજ ચાલી રહી છે’. કેટલાકે કોમેન્ટ સેક્શનમાં મેચના દિવસે વરસાદ ન પડે તેવી પ્રાર્થના કરી છે. આ જ ઉલ્લેખ કરતાં એક ફેને લખ્યું છે ‘વરસાદ ન પડે તો સારું છે નહીં તો ઘણા મહિનાઓ બાદ ધોનીને રમતો જોવાની તક નહીં મળે’. તો એકે લખ્યું છે ‘CSKએ ટીમ નથી… તે એક લાગણી છે’.
પહેલી મેચમાં ધોનીના રમવા અંગે અટકળો
ધોની ગુજરાત ટાઈટન્સ સામેની મેચમાં નહીં રમે તેવા ખૂબ ચર્ચા થઈ હતી. આ વાત જાણીને તેના ફેન્સને નિરાશા પણ થઈ હતી. જો કે, CSKના CEO કાશી વિશ્વનાથે મીડિયા સાથે વાતચીત કરતાં આ વિશે એક મોટી અપડેટ આપી હતી. તેમણે કહ્યું હતું કે ‘જ્યાં સુધી મને જાણ છે તો અમારો કેપ્ટન ફિટ છે. તે 100 રમવાનો છે. હું બીજું કંઈ જાણતો નથી’.
શું ગુજરાત- ચેન્નઈની મેચ રદ થશે? ઓપનિંગ સેરેમની પહેલા ફેન્સને ઝટકો કેમ લાગી શકે
ધોની માટે આ IPL હોઈ શકે છે અંતિમ
IPLમાં ધોની છેલ્લીવાર રમતો જોવા મળે તેવી શક્યતા છે. જો કે, આ અંગે હજી સુધી કોઈ સત્તાવાર પુષ્ટિ થઈ નથી. કેપ્ટન કૂલએ ઓગસ્ટ 2022માં ઈન્ટરનેશનલ ક્રિકેટમાંથી સંન્યાસ લીધો હતો. તે પોતાની અંતિમ ઈન્ટરનેશનલ મેચ 2019માં વનડે વર્લ્ડ કપના સેમીફાઈનલમાં રમ્યો હતો.
ચાર વખત ચેમ્પિયન બન્યું છે CSK
T20 લીગમાં CSKની ટીમ MI બાદ સૌથી સફળ ટીમમાંથી એક છે. ધોનીના નેતૃત્વમાં ટીમ ચાર વખત ચેમ્પિયન બન્યું છે. CSK 2010માં પહેલીવાર ટ્રોફી જીત્યું હતું અને ત્યારબાદ 2011, 2018 અને 2021માં ખિતાબ પોતાને નામે કર્યો હતો.
Read latest Cricket News and Gujarati News