Asia Cup 2023: ભારતીય ક્રિકેટ તરફથી પાકિસ્તાનને મોટો ઝટકો લાગ્યો છે. એશિયન ક્રિકેટ કાઉન્સિલની બેઠકમાં ભારતે સ્પષ્ટ કર્યું છે કે તે એશિયા કપ 2023 રમવા માટે પાકિસ્તાનના પ્રવાસે જવાનો ઈન્કાર કર્યો છે. આ પછી પાકિસ્તાનની હાલત ખરાબ થઈ ગઈ છે અને હવે એવા સમાચાર છે કે તે ODI વર્લ્ડ કપ 2023 ન રમવા પર વિચાર કરી રહ્યું છે. હાલના અહેવાલો અનુસાર પાકિસ્તાન ક્રિકેટ બોર્ડ એશિયા કપ માટે પાકિસ્તાન ન જવાના બીસીસીઆઈના નિર્ણયથી ખૂબ નારાજ છે. બીસીસીઆઈએ સ્પષ્ટ કર્યું છે કે જો એશિયા કપનું આયોજન કોઈ તટસ્થ સ્થાન પર થશે તો માત્ર ટીમ ઈન્ડિયા જ તેમાં ભાગ લેશે. ભારતે સ્પષ્ટ કર્યું છે કે તેમના ખેલાડીઓ પાકિસ્તાન નહીં જાય, જ્યારે વિરાટ કોહલી, રોહિત શર્મા અને શુભમન ગિલ જેવા ખેલાડીઓ કોઈ ટૂર્નામેન્ટમાં નથી તો સ્પોન્સર્સ પોતે જ પાછા હટી જશે, જેથી યોગ્ય નિર્ણય લેવો જોઈએ તેવું માનવું છે.
UAE શિફ્ટ થશે એશિયા કપ!
અહેવાલોમાં દાવો કરવામાં આવ્યો છે કે જો એશિયા કપ 2023 પાકિસ્તાનની બહાર ખસેડવામાં આવે છે. તો તે ભારતમાં યોજાનાર ODI વર્લ્ડ કપ 2023માં ભાગ લેશે નહીં. ભારતના વિરોધ બાદ એશિયા કપને UAE શિફ્ટ કરવાની તૈયારીઓ ચાલી રહી છે. ઉલ્લેખનીય છે કે BCCI સેક્રેટરી જય શાહ દ્વારા એશિયન ક્રિકેટ કાઉન્સિલની બેઠકમાં સ્પષ્ટપણે કહેવામાં આવ્યું હતું કે ટીમ ઈન્ડિયાના ખેલાડીઓ પાકિસ્તાનના પ્રવાસે જવાનો ઈન્કાર કર્યો છે. BCCI સુરક્ષાને ધ્યાનમાં રાખીને આવો નિર્ણય લઈ રહ્યું છે. ભારત અને પાકિસ્તાન વચ્ચે લાંબા સમયથી રાજકીય સંબંધો સારા નથી. બંને ટીમો માત્ર ICC ટુર્નામેન્ટમાં જ એકબીજા સામે રમે છે. હાલમાં જ વર્ષ 2022માં આયોજિત T20 વર્લ્ડ કપમાં ભારતીય ટીમ અને પાકિસ્તાન વચ્ચે મેચ રમાઈ હતી. ત્યારે ટીમ ઈન્ડિયાનો વિજય થયો હતો.
Read Latest Sports News And Gujarat News
