IND vs AUS: માત્ર બે બોલ રમીને હીરો બની ગયો Dinesh Karthik, કેપ્ટન Rohit Sharmaએ રચ્યો ઈતિહાસ – ind vs aus t20 dinesh karthik finishes the match rohit sharma hits the record

ઋષભ પંતને મોકલવાનો લેવાયો હતો નિર્ણય
તમને જાણીને નવાઈ લાગશે કે, કાર્તિક પહેલા ટીમમાંથી ઋષભ પંતને બેટિંગ કરવા માટે મોકલવાનો હતો. આ વાતનો ખુલાસો મેચ બાદ કેપ્ટન રોહિત શર્માએ પોતે કર્યો હતો. તેણે કહ્યું હતું કે, ‘અમે વિચાર કરી રહ્યા હતા કે, શું ઋષભ પંતને મોકલી શકાય છે, પરંતુ મને લાગ્યું હતું કે સેમ્સ અંતિમ ઓવર નાખશે અને તે ઓફ કટર બોલિંગ કરે છે તેથી મેં વિચાર્યું હતું કે, દિનેશ કાર્તિકને જ જવા દઈએ. આમ પણ તે અમારા માટે ફીનિશરની ભૂમિકા ભજવી રહ્યો છે’.

સિક્સર કિંગ બન્યો હિટમેન
46 રનની તાબડતોડ ઈનિંગમાં રોહિત શર્માએ ચાર ચોગ્ગા અને ચાર સિક્ટર મારી હતી. રોહિત શર્માના નામ પર ટી20 ઈન્ટરનેશનલમાં હવે 176 સિક્સટર થઈ ગઈ છે. આમ કરનારો તે દુનિયાનો નંબર વન બેટ્સમેન બની ગયો છે. કુલ 172 સિક્સની સાથે આ ફોર્મેટમાં નંબર 2 પર ન્યૂઝીલેન્ડનો માર્ટિન ગપ્ટિલ છે.

T20 વર્લ્ડ કપ પહેલા ટીમ ઈન્ડિયાની એક વાતથી ભારે ચિંતિત છે ગાવસ્કર

ટીમ ઈન્ડિયાનું પર્ફોર્મન્સ
8 ઓવરમાં 91 રનના ટાર્ગેટ પૂરો કરવા માટે મેદાનમાં ઉતરેલી ટીમ ઈન્ડિયાએ પહેલી જ ઓવરમાં ત્રણ સિક્સ સાથે જોરદાર શરૂઆત કરી હતી. ત્રણમાંથી બે સિક્સ રોહિત શર્માએ ફટકારી હતી. પોતાની સિક્સર ફટકારવાની ક્ષમતા બતાવતા રોહિતે આગામી ઓવરમાં પેટ કમિન્સ અને પછી ત્રીજી ઓવરમાં સ્પિનર એડમ ઝમ્પા પર સિક્સ ફટકારીને ટીમના રન રેટમાં ઘટાડો થવા દીધો નહોતો.

8-8 ઓવરની થઈ હતી મેચ
ખરાબ હવામાન અને મેદાન ભીનું થઈ જતાં મેચ આઠ-આઠ ઓવરના રાખવામાં આવી હતી. રોહિત શર્માની મેચ વિનિંગની ધમાકેદાર ઈનિંગ માટે દર્શકોએ ટી-20 જોવા માટે ખર્ચેલા પૈસા વસૂલ થયા હતા. ઓસ્ટ્રેલિયાની ટીમે મેથ્યૂ વેડ (43) અને કેપ્ટન આરોન ફિંચની (31) જોરદાર ઈનિંગથી પાંચ વિકેટના દમ પર 90 રન બનાવ્યા હતા. રોહિતના પર્ફોર્મન્સના કારણે ચાર બોલ બાકી હતા ત્યાં જ ટીમ ઈન્ડિયા લક્ષ્ય સુધી પહોંચી ગઈ હતી. છ વિકેટની આ જીતની સાથે ટીમ ઈન્ડિયાએ ત્રણ મેચોની સીરિઝમાં 1-1થી બરાબરી કરી હતી.

Read Latest Cricket News And Gujarati News