સૂર્યકુમાર યાદવને ટી20 ટીમનો ઉપસુકાની બનાવવામાં આવ્યો
પસંદગી સમિતિ દ્વારા હાર્દિક પંડ્યાને ટી20 ટીમનો સુકાની બનાવવામાં આવ્યો છે. આમ પણ હાર્દિક પંડ્યા ટી20 ટીમના નિયમિત સુકાની પદ માટેનો પ્રબળ દાવેદાર છે. સૂર્યકુમાર યાદવને ટી20નો ઉપસુકાની બનાવવામાં આવ્યો છે. આમ સૂર્યુકમારને પોતાના શાનદાર પ્રદર્શનનું ફળ મળ્યું છે. સૂર્યકુમાર છેલ્લા ઘણા સમયથી ટી20માં ધમાકેદાર દેખાવ કરી રહ્યો છે. ટી20 ટીમમાં વિકેટકીપર તરીકે ઈસાન કિશનને સ્થાન મળ્યું છે. જ્યારે રિશભ પંત આ ટીમનો ભાગ નથી. મુકેશ શર્મા અને શિવમ માવીને પણ સ્થાન આપવામાં આવ્યું છે. રોહિત શર્મા ઉપરાંત વિરાટ કોહલી અને લોકેશ રાહુલ પણ ટી20 ટીમમાં રમવાના નથી.
વન-ડેમાંથી ધવનની હકાલપટ્ટી, હાર્દિક પંડ્યા બન્યો ઉપસુકાની
ભારતીય ક્રિકેટ કંટ્રોલ બોર્ડ હવે આગામી વન-ડે વર્લ્ડ કપને ધ્યાનમાં રાખીને ટીમ તૈયારી કરી રહી છે. જેમાં હવે અનુભવી ઓપનર શિખર ધવનને સ્થાન મળ્યું નથી. બાંગ્લાદેશ સામે રમાયેલી વન-ડે સીરિઝમાં ધવનનું પ્રદર્શન સારું રહ્યું ન હતું. જોકે, સૌથી મોટી વાત એ છે કે ટી20 ટીમના સુકાની પદના પ્રબળ દાવેદાર હાર્દિક પંડ્યાને વન-ડે ટીમનો ઉપસુકાની બનાવવામાં આવ્યો છે. રિશભ પંતને વન-ડે ટીમમાં પણ સ્થાન આપવામાં આવ્યું નથી. વન-ડેમાં પણ ઈશાન કિશન સામેલ કરવામાં આવ્યો છે. જ્યારે ટી20 ટીમમાંથી બહાર કરવામાં આવેલા લોકેશ રાહુલને વન-ડેમાં તક આપવામાં આવી છે.
ભારતીય ટી20 ટીમઃ હાર્દિક પંડ્યા (સુકાની), ઈશાન કિશન (વિકેટકીપર), ઋતુરાજ ગાયકવાડ, શુભમન ગિલ, સૂર્યકુમાર યાદવ (ઉપસુકાની), દીપક હુડ્ડા, રાહુલ ત્રિપાઠી, સંજૂ સેમસન, વોશિંગ્ટન સુંદર, યુઝવેન્દ્ર ચહલ, અક્ષર પટેલ, અર્શદીપ સિંહ, હર્ષલ પટેલ, ઉમરાન મલિક, શિવમ માવી, મુકેશ કુમાર.
ભારતીય વન-ડે ટીમઃ રોહિત શર્મા (સુકાની), હાર્દિક પંડ્યા (ઉપસુકાની), શુભમન ગિલ, વિરાટ કોહલી, સૂર્યકુમાર યાદવ, શ્રેયસ ઐય્યર, લોકેશ રાહુલ (વિકેટકીપર), ઈશાન કિશન (વિકેટકીપર), વોશિંગ્ટન સુંદર, યુઝવેન્દ્ર ચહલ, કુલદીપ યાદવ, અક્ષર પટેલ, મોહમ્મદ શમી, મોહમ્મદ સિરાજ, ઉમરાન મલિક, અર્શદીપ સિંહ.