હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરો
વિરાટને ચિયર કરતા કરતા અનુષ્કા નિરાશ
વિરાટ કોહલી જ્યારે આ મંચ પર બેટિંગ કરવા મેદાનમાં ઉતર્યો ત્યારે ફેન્સ ખુશ થઈ ગયા હતા. એટલું જ નહીં આની સાથે અનુષ્કા શર્મા પણ પતિને ચિયર કરતી જોવા મળી હતી. તે પહેલા બોલથી જ વિરાટ કોહલીનો ઉત્સાહ વધારી રહી હતી. જેના ઘણા વીડિયો સોશિયલ મીડિયામાં વાયરલ થઈ રહ્યા હતા. ભારત અને ઓસ્ટ્રેલિયા વચ્ચે વર્લ્ડ ટેસ્ટ ચેમ્પિયનશિપની ફાઈનલ મેચ ઓવલ ક્રિકેટ ગ્રાઉન્ડમાં રમાઈ હતી.
પહેલી ઈનિંગમાં ભારતનો ધબડકો
ઈન્ડિયન ટીમને પહેલી ઈનિંગમાં 19મી ઓવરમાં મોટો ફટકો પડ્યો હતો. ટીમે 71 રનમાં ચોથી વિકેટ ગુમાવી દીધી હતી. વિરાટ કોહલી મિચેલ સ્ટાર્કના આઉટસાઈડ ઓફ સ્ટમ્પ બોસ પર કોહલી ડિફેન્ડ કરવા ગયો પરંતુ બેટની આઉટસાઈડ એડ્જ લઈ બોલ સ્લિપમાં જતો રહ્યો હતો. આ દરમિયાન સ્ટીવ સ્મીથે સેકન્ડ સ્લિપ પર શાનદાર કેચ પકડી લીધો હતો. ઉલ્લેખનીય છે કે વિરાટ કોહલીએ આ દરમિયાન 31 બોલમાં 14 રન કર્યા હતા. તેણે 2 ચોગ્ગા પણ ફટકાર્યા હતા. જોકે વિરાટ આઉટ થઈ જતા અનુષ્કા શર્મા ઉદાસ થઈ ગઈ હતી. વિરાટ કોહલી પણ જાણે સ્ટેન્ડ્સ તરફ જોઈ હતાશ થઈ ગયો અને પેવેલિયન ભેગો થતો નજરે પડ્યો હતો.
ભારતે 5 વિકેટ ગુમાવી દીધી
ઈન્ડિયન ટીમે શાનદાર શરૂઆત કરી હતી. જોકે પહેલી વિકેટ 30 રનના સ્કોર પર પડી જતા ભારતનો ધબડકો થઈ ગયો હતો. જોતજોતામાં ભારતે 71 રનમાં 4 વિકેટ પડી ગઈ હતી. અત્યારે 38 ઓવરમાં ભારતે 5 વિકેટના નુકસાને 151 રન કર્યા છે. તેવામાં આજે ભારતીય બેટ્સમેન માટે કરો અથવા મરો સમાન સ્થિતિ રહેશે. અત્યારે કે.એસ.ભરત અને અજિંક્ય રહાણે બેટિંગ કરી રહ્યા છે. આના પછી શાર્દૂલ ઠાકુર પાસેથી જ મોટી ઈનિંગની અપેક્ષા રહેશે. તેવામાં જો ભારતે પહેલા 2 સેશન આજના દિવસના પોતાને નામ ન કર્યા તો મોટો ફટકો પડી શકે છે.