જોકે, અત્યારે આ અંગે આરસીબી તરફથી કોઈ પણ પ્રકારનું સત્તાવાર નિવેદન સામે નથી આવ્યું, પરંતુ જો ટીમ બેટિંગ કોચ સંજય બાંગરની સાથે પોતાનો કરાર આગળ નહીં વધારે તો એબી ડિવિલિયર્સથી સારો વિકલ્પ તેમના માટે બીજો કોઈ નહીં હોય. રિપોર્ટ્સના મતે, આરસીબીના સંજય બાંગરની સાથે જ ડિરેક્ટર ઑફ ક્રિકેટ માઈક હેસનની સાથે પોતાનો કરાર આગળ વધારવાનો નિર્ણય નથી કર્યો.
ડિવિલિયર્સ નક્કી કરશે
તેવામાં સ્વાભાવિક છે કે હવે ફ્રેન્ચાઈઝી એ ઈચ્છશે કે, તે એબી ડિવિલિયર્સને કોચ તરીકે પોતાની સાથે જોડી લે. ટીમમાં ડિવિલિયર્સની વિરાટ કોહલી સાથે સારી મિત્રતા છે અને ટીમમાં હાજર કેપ્ટન ફાફ ડૂ પ્લેસિસ પણ તેના જ વતનનો છે. આવામાં હવે તેના કોચ બનવાથી ટીમના સિનિયર ખેલાડીઓની વચ્ચે સારો તાલમેલ બનાવી શકે છે. જોકે, ડિવિલિયર્સ કોચ તરીકે આરસીબીની સાથે પોતાની બીજી ઇનિંગની શરૂઆત કરશે કે નહીં તે તો તે જાતે જ નક્કી કરશે, પરંતુ આરસીબીની ટીમમાં ડિવિલિયર્સના નામની ચર્ચા ફરી એક વાર શરૂ થઈ ગઈ છે.
ડિવિલિયર્સ આરસીબી માટે રમી ચૂક્યો છે 156 મેચ
એબી ડિવિલિયર્સ આરસીબી માટે 156 મેચ રમી ચૂક્યો છે. તે દરમિયાન તેણે પોતાની સ્ફોટક બેટિંગની મદદથી 4,491 રન બનાવ્યા છે, જેમાં 2 સદી પણ સામેલ છે. ડિવિલિયર્સ આરસીબીની સાથે વર્ષ 2011માં જોડાયો હતો અને તે 2021 સુધી આ ફ્રેન્ચાઈઝી સાથે રમ્યો હતો. આ સાથે જ તેણે સંન્યાસ લેવાનો પણ નિર્ણય લીધો હતો. આરસીબી સિવાય ડિવિલિયર્સ આઈપીએલમાં દિલ્હી ડેયરડેવિલ્સ, જે હવે દિલ્હી કેપિટલ્સ બની ગઈ છે. તેના માટે પણ રમી ચૂક્યો છે. બીજી તરફ ડિવિલિયર્સની આખા આઈપીએલ કારકિર્દીની વાત કરીએ તો, તેણે કુલ 184 મેચ રમી છે. તે દરમિયાન તેણે 39.74ની એવરેજથી રન બનાવ્યા હતા. જ્યારે આઈપીએલમાં તેના નામે 5,162 રન નોંધાયેલા છે. જ્યારે 3 સદી અને 40 અડધી સદી તે ફટકારી ચૂક્યો છે.