હાલ ટીમ ઈન્ડિયા અને ઝીમ્બાબ્વે વચ્ચે પાંચ મેચોની ODI સીરિઝ ચાલી રહી છે, જેમાંથી પહેલી બંને મેચ ભારતે પોતાના નામે કરી છે. આ મેચમાં ઓલરાઉન્ડ ક્રિકેટર હાર્દિક પંડ્યાને (Hardik Pandya) બ્રેક અપાયો છે. સમયનો લાભ ઉઠાવીને થોડા દિવસ પહેલા જ પત્ની નતાશા સ્ટેનકોવિક (Natasa Stankovic), દીકરા અગસ્ત્ય પંડ્યા (Agastya Pandya) તેમજ સાસરિયાં સાથે ગ્રીસના સેન્ટોરિનીનાં વેકેશન પર ગયો હતો. જ્યાંની સુંદર તસવીરો તે સોશિયલ મીડિયા પર શેર કરતો રહેતો હતો. નતાશા દીકરાને લઈને ફરી સરેબિયામાં રહેતા તેના માતા-પિતાના ઘરે ગઈ છે તો હાર્દિક પંડ્યા ઘણા દિવસ બાદ મુંબઈ સ્થિત ઘરે પરત ફર્યો છે. જ્યાં તે પહેલીવાર ભત્રીજા એટલે કે ભાઈ કૃણાલ પંડ્યા (Krunal Pandya) અને ભાભી પંખુડી શર્માના (Pankhuri Sharma) દીકરા કવીરને મળ્યો. નાનકડા કવીર સાથેની પહેલી મુલાકાતની તસવીરો તેણે સોશિયલ મીડિયા પર શેર કરી છે.
કવીરને મળ્યો હાર્દિક પંડ્યા
હાર્દિક પંડ્યાએ ઈન્સ્ટાગ્રામ પર શેર કરેલી પોસ્ટની પહેલી તસવીરમાં તેને કવીરને તેડીને ઉભેલો જોઈ શકાય છે, જ્યારે ભાભી પંખુડી પણ તેની સાથે છે. બીજી તસવીર કાકા-ભત્રીજા એટલે કે હાર્દિક-કવીરની છે. આ સાથે તેણે લખ્યું છે ‘વ્હાલા કવીર આ દુનિયામાં તારું સ્વાગત છે. અગુને હવે મોટાભાઈની ફરજ નિભાવવી પડશે’. જયંત યાદવ, યુવરાજ સિંહ તેમજ મયુર મહેતાએ રેડ હાર્ટ ઈમોજી કોમેન્ટ સેક્શનમાં ડ્રોપ કર્યા છે. તો પંખુડીએ લખ્યું છે ‘અમે તને પ્રેમ કરીએ છીએ’.
નતાશા સ્ટેનકોવિકે શેર કરી હતી તસવીર
અગાઉ કવીરના જન્મ બાદ તરત નતાશા સ્ટેનકોવિકે તેની અને અગસ્ત્ય સાથેની તસવીર શેર કરી હતી. જેમાં તેણે કવીરને હાથમાં રાખ્યો હતો, તો અગસ્ત્ય તેને રમાડતો દેખાયો હતો. આ સાથે લખ્યું હતું ‘એક તસવીરમાં ખૂબ બધો પ્રેમ. આ દુનિયામાં તારુ સ્વાગત છે કવીર’.
જુલાઈમાં થયો કવીર કૃણાલ પંડ્યાનો જન્મ
જુલાઈ મહિનામાં કૃણાલ પંડ્યાએ પત્ની પંખુડી અને દીકરા સાથેની તસવીર શેર કરીને બધાને ગુડન્યૂઝ સંભળાવ્યા હતા. તેણે લખ્યું હતું ‘કવીર કૃણાલ પંડ્યા’.
જણાવી દઈએ કે, થોડા વર્ષના ડેટિંગ બાદ 2017માં કૃણાલ પંડ્યા અને પંખુડી શર્મા સાથે લગ્ન કર્યા હતા. પંડ્યા પરિવારમાં આ બીજું સતાન છે. અગાઉ હાર્દિક પંડ્યા અને પત્ની નતાશાને ત્યાં દીકરાનો જન્મ થયો હતો. હાર્દિક અને નતાશાના દીકરાનો જન્મ જુલાઈ 2020માં થયો હતો. કૃણાલ અને પંખુડી તેના પર ખૂબ પ્રેમ વરસાવે છે અને ઘણીવાર તેની સાથેની ક્યૂટ તસવીરો પણ શેર કરે છે.
