બારબાડોસમાં વેસ્ટઇન્ડીઝ સામે ક્યારે જીતી હતી ભારતની ટીમ? આ ભારતીય ખેલાડીએ મચાવી હતી ધૂમ – ind vs wi when did team india last win in barbados from west indies

બાર્બાડોસઃ ભારત અને વેસ્ટ ઇન્ડિઝ વચ્ચે ત્રણ વનડે શ્રેણીની પ્રથમ મેચ બાર્બાડોસમાં રમાવાની છે. આખે 19 વર્ષ બાદ બંને ટીમ બાર્બાડોસના મેદાન પર વન-ડે ઇન્ટરનેશનલ મેચ રમશે. આવી સ્થિતિમાં, ફેન્સના મનમાં ચોક્કસપણે એક પ્રશ્ન હશે કે, બાર્બાડોસમાં રમાયેલી છેલ્લી વનડેમાં ભારત કે વેસ્ટ ઈન્ડિઝમાંથી કોણ જીત્યું હતું. આપને જણાવી દઈએ કે, છેલ્લી વખત ભારત અને વેસ્ટ ઈન્ડિઝ વચ્ચે વર્ષ 2002માં વનડેમાં ટક્કર થઈ હતી. તેમાં ટીમ ઇન્ડિયાએ 7 વિકેટે મેચ જીતી હતી. આ સાથે જ લાંબા સમય બાદ ફરી એક વાર બંને ટીમ વચ્ચે રોમાંચક મુકાબલો જોવા મળવાની આશા છે.કાર્લ હૂપરે બનાવ્યા હતા સૌથી વધુ રન
વર્ષ 2002માં ભારતીય ટીમ 5 વનડે સિરીઝ માટે વેસ્ટ ઈન્ડિઝના પ્રવાસે ગઈ હતી. સિરીઝની પ્રથમ અને બીજી મેચ વરસાદના કારણે રદ્દ થઈ હતી, પરંતુ ત્રીજી મેચમાં ટીમ ઈન્ડિયાએ 7 વિકેટે જીત મેળવીને જોરદાર શરૂઆત કરી હતી. આ મેચમાં ટોસ જીતીને પ્રથમ બેટિંગ કરવા ઉતરેલી વેસ્ટ ઇન્ડિઝની ટીમ 44.5 ઓવરમાં 186 રન બનાવીને સમેટાઈ ગઈ હતી. જ્યારે વેસ્ટ ઈન્ડિઝ માટે કાર્લ હૂપરે 75 બોલમાં સૌથી વધુ 76 રનની ઈનિંગ રમ્યો હતો. આ ઉપરાંત રામનરેશ સરવને પણ 46 રનનું યોગદાન આપ્યું હતું. બીજી તરફ વેસ્ટ ઇન્ડિઝનો અન્ય કોઈ બેટ્સમેન ટકી શક્યો નહોતો. બ્રાયન લારા જેવો દિગ્ગજ ખેલાડી પણ માત્ર 5 રન જ બનાવી શક્યો હતો.

દિનેશ મોંગિયા રમ્યો હતો જોરદાર ઇનિંગ
વેસ્ટ ઇન્ડિઝ દ્વારા આપવામાં આવેલા 187 રનના લક્ષ્યનો પીછો કરવા ઉતરેલી ભારતીય ટીમ માટે દિનેશ મોંગિયાએ 74 રન બનાવ્યા હતા. ત્રીજા નંબર પર બેટિંગ કરવા આવતા મોંગિયાએ 104 બોલમાં 74 રનનું યોગદાન આપ્યું હતું, જેમાં તેણે 9 ચોગ્ગા ફટકાર્યા હતા. દિનેશ મોંગિયા સિવાય સૌરવ ગાંગુલીએ પણ 41 રનની શાનદાર ઇનિંગ રમ્યો હતો. જ્યારે વીરેન્દ્ર સેહવાગે 21 રન બનાવ્યા હતા. તે જ સમયે સચિન તેંડુલકર 45 બોલમાં 34 રન બનાવીને અણનમ રહ્યો હતો. આવી સ્થિતિમાં 19 વર્ષ બાદ ફરી એકવાર ટીમ ઈન્ડિયા જીત સાથે વનડે સિરીઝમાં ડેબ્યૂ કરવાનો પ્રયાસ કરશે.