‘જયસુખ ઝડપાયો’માં દર્શકોને હસાવશે જોની લીવર, તેમનું ગુજરાતી સાંભળવાની મજા આવશે
કિંજલ દવેએ તેના ઈન્સ્ટાગ્રામ હેન્ડલ પર એક વીડિયો શેર કર્યો છે. જેમાં તેના પિતાના બર્થ ડે સેલિબ્રેશનની ઝલક જોવા મળી રહી છે. ટેબલ પર ઘણી બધી કેક પડેલી છે. કેક કટિંગ પહેલા દીકરી તરફથી મળેલી ગિફ્ટ જોઈને તેઓ ખુશ થઈ જાય છે. કિંજલે તેમને ગિફ્ટમાં સોનાની ચેઈન અને પેન્ડન્ટ ગિફ્ટમાં આપે છે. આ સિવાય વીડિયોમાં કિંજલ દવેએ પિતા સાથેની યાદગાર ક્ષણોની ઝલક પણ શેર કરી છે. બેકગ્રાઉન્ડમાં ‘મેરે પાપા મેરા સંસાર હૈ’ સોન્ગ વાગી રહ્યું છે.
વીડિયોની સાથે તેણે લખ્યું છે ‘ક્યારેક તમારી પાસે લગાણીઓ વ્યક્ત કરવા માટે શબ્દો હોતા નથી. તેથી કંઈ કહેવા માગતી નથી માત્ર આઈ લવ યુ. તમને સૌથી વધારે પ્રેમ કરું છું’. સિંગરના પિતા લલિત દવેએ કોમેન્ટ કરીને લખ્યું છે ‘અમુકવાર શબ્દ બોલવા માટે જીભ અને શ્વાસ બને રોકાઈ જાય છે. બસ અહેસાસ કરી શકાય છે નિ:શબ્દ’
કિંજલ દવેના ભાઈ આકાશ દવેએ પણ તેના ઈન્સ્ટાગ્રામ પર પિતા લલિત દવેના બર્થ ડે સેલિબ્રેશનની તસવીરો શેર કરી છે. જેમાં તેની ભાવિ પત્ની અને કિંજલ દવેના ફિયાન્સે સહિતના પરિવારના સભ્યો જોવા મળી રહ્યા છે. કેપ્શનમાં તેણે રેડ હાર્ટ ઈમોજી મૂક્યું છે.
લલિત દવે પણ બર્થ ડે સેલિબ્રેશનમાં સૌથી વધારે ખુશ દેખાતા હતા. તેમણે પણ ઉજવણીની ઝલક દેખાડતી તસવીરો શેર કરી છે, સાથે જ શુભેચ્છાઓ પાઠવનારાઓનો આભાર માન્યો છે.
કિંજલ દવેની વાત કરીએ તો, તે ‘ચાર ચાર બંગડીવાળી ગાડી’ ગીતથી પોપ્યુલર થઈ હતી. તે માત્ર ગુજરાતમાં જ નહીં પરંતુ વિદેશમાં પણ કાર્યક્રમ કરે છે. ગરબા ઈવેન્ટથી લઈને લોકડાયરો કરતી કિંજલ દવેના પ્રોગ્રામમાં મોટી સંખ્યામાં ભીડ જોવા મળે છે. સિંગરના અવાજના લોકો એટલા દિવાના છે કે જ્યારે તે ગાવાનું શરૂ કરે ત્યારે ચાહકો તેના પર નોટોનો વરસાદ કરવા લાગે છે.