હવે IamGujarat સાથે વોટ્સએપ પર જોડાઓ અને મેળવો દરેક મહત્વના અપડેટ્સ
ઓડિશા ટ્રેન અકસ્માત છે કારણ
ભારત અને ઓસ્ટ્રેલિયાના ખેલાડીઓ તેમજ એમ્પાયર્સ દ્વારા કાળી પટ્ટી બાંધવાનું કારણ ગત સપ્તાહે ઓડિશામાં થયેલો ટ્રેન અકસ્માત છે. આ અકસ્માતમાં 275 લોકોના મોત થઈ ગયા હતા. તેમને શ્રદ્ધાંજલિ આપવા માટે બંને ટીમોએ આવું કર્યું છે. આ ઘટનામાં ત્રણ ટ્રેનો વચ્ચે અકસ્માત થયો હતો. તેમાંથી બે પેસેન્જર ટ્રેન અને એક માલગાડી હતી. આ અકસ્માત ઓડિશાના બાહનગા બજાર સ્ટેશન પાસે થઈ હતી.
મેચ શરૂ થયા પહેલા મૃતકો માટે ખેલાડીઓએ મૌન પણ રાખ્યું હતું. બીસીસીઆઈએ એક સ્ટેટમેન્ટમાં કહ્યું કે, ‘ટીમો મોતો પર શોક વ્યક્ત કરે છે અને એ બધા લોકોના પરિવારો અને દોસ્તો પ્રત્યે પોતાની ઊંડી સંવેદના વ્યક્ત કરે છે, જેમણે દુઃખદ રીતે પોતાનો જીવ ગુમાવ્યો.’
ભારતીય ટીમમાં ચાર ફાસ્ટ બોલર
ભારતે આ મેચમાં ચાર ફાસ્ટ બોલરની સાથે ઉતરવાનો નિર્ણય લીધો છે. જેના કારણે ઓફ સ્પિનર રવિચંદ્રન અશ્વિનને પ્લેઈંગ ઈલેવનમાં સ્થાન નથી મળ્યું. મોહમ્મદ શમી, મોહમ્મદ સિરાજ, ઉમેશ યાદવ અને ઓલરાઉન્ડર શાર્દુલ ઠાકુર પર ફાસ્ટ બોલિંગની જવાબદારી રહેશે, જ્યારે ઓલરાઉન્ડર રવિન્દ્ર જાડેજા પ્લેઈંગ ઈલેવનમાં એકમાત્ર સ્પિનર છે. ઓસ્ટ્રેલિયાએ પણ આ મેચમાં ફાસ્ટ બોલર બોલેન્ડને તક આપી છે.
રોહિત અને કમિન્સ રમી રહ્યા છે 50મી ટેસ્ટ
ઉલ્લેખનીય છે કે, ભારતીય ટીમનો કેપ્ટન રોહિત શર્મા અને ઓસ્ટ્રેલિયાનો કેપ્ટન પેટ કમિન્સ બંનેની આ 50મી ટેસ્ટ મેચ છે. ગત વખત જ્યારે ભારત અહીં રમ્યું હતું તો રોહિત શર્માએ સદી ફટકારી હતી અને મેન ઓફ ધ મેચ બન્યો હતો. આ મેચમાં પણ તેની પાસેથી ઐતિહાસિક ઈનિંગ્સની આશા રાખવામાં આવી રહી છે.
ભારતની પ્લેઈંગ ઈલેવનઃ રોહિત શર્મા (કેપ્ટન), શુભમન ગિલ, ચેતેશ્વર પુજારા, વિરાટ કોહલી, અજિંક્ય રહાણે, શ્રીકર ભરત (વિકેટકીપર), રવિન્દ્ર જાડેજા, શાર્દુલ ઠાકુર, ઉમેશ યાદવ, મોહમ્મદ શમી, મોહમ્મદ સિરાજ
ઓસ્ટ્રેલિયાની પ્લેઈંગ ઈલેવનઃ ડેવિડ વોર્નર, ઉસ્માન ખ્વાજા, માર્નસ લાબુશેન, સ્ટીવન સ્મિથ, ટ્રેવિસ હેડ, કેમરુ ગ્રીન, એલેક્સ કેરી (વિકેટકીપર), પેટ કમિન્સ (કેપ્ટન), મિશેલ સ્ટાર્ક, નાથન લાયન, સ્કૉટ બોલેન્ડ.