ઈશાનની મજબૂત દાવેદારી
વર્લ્ડ કપ માટે બેટિંગ દાવેદારોને ચકાસવાની ભારતની વ્યૂહરચના ઉછાળવાળી પીચ પર કામ કરી શકી નથી. વેસ્ટ ઈન્ડિઝે વરસાદથી પ્રભાવિત બીજી વનડે છ વિકેટે જીતીને ત્રણ મેચની શ્રેણી બરોબરી કરી લીધી છે. વર્લ્ડ કપની માત્ર 10 મેચ પહેલા રોહિત અને વિરાટને આરામ આપવાનો નિર્ણય લેવામાં આવ્યો હતો. વિશ્વ કપ દરમિયાન ઇશાન કિશન ભાગ્યે જ ઇનિંગ્સની શરૂઆત કરશે, પરંતુ તેણે સતત બીજી અડધી સદી ફટકારીને બીજા વિકેટ-કીપર (જો કે કેએલ રાહુલ વર્લ્ડ કપ માટે ફિટ હોય તો) તરીકેનો પોતાનો દાવો મજબૂત કર્યો છે.
સૂર્યાનું પત્તું કપાવવાનું લગભગ નક્કી
સૂર્યાકુમાર યાદવ ફરી એકવાર વનડેમાં મોટી ઇનિંગ્સ રમી શક્યો નથી. જોખમ લેવું એ સૂર્યાની સ્વાભાવિક રમત છે, પરંતુ આ રીતે રમીને તેણે વર્લ્ડ કપ માટેનો પોતાનો દાવો નબળો કરી દીધો છે. તેણે વન-ડેમાં પોતાની રમત થોડી ડિફેન્સિવ કરવી પડશે નહીંતર વર્લ્ડ કપમાં તે પોતાનું સ્થાન ગુમાવી શકે છે. જો કે, હજી સુધી આ અંગે કોઈનું સત્તાવાર નિવેદન આવ્યું નથી. પરંતુ જે રીતે મેનેજમેન્ટ અપેક્ષા રાખી રહ્યું છે તેના પર સૂર્યા પોતાને સાબિત કરી રહ્યો નથી. હવે આગામી મેચમાં તેની પર સૌની નજર રહેશે.
સંજુ-અક્ષરે તક ગુમાવી
સંજુ સેમસન માટે કશું કહી શકાય નહીં, જે બીજી મેચમાં 19 બોલમાં માત્ર નવ રન બનાવી શક્યો, જ્યારે અક્ષર પટેલ (1 રન)એ પણ એક સુવર્ણ તક ગુમાવી દીધી. ડાબા અને જમણા હાથના બેટ્સમેનોના સંયોજનને ધ્યાનમાં રાખીને તેમને ત્રીજા અને ચાર નંબર પર બેટિંગ કરવા મોકલવામાં આવ્યા હતા. બંને ખેલાડીઓ શોર્ટ પિચ બોલ સામે લડતા જોવા મળ્યા હતા. અક્ષર મર્યાદિત ઓવરના ક્રિકેટમાં બોલર કરતાં વધુ સારો બેટ્સમેન બની રહ્યો છે, તેથી તેને ચોથા નંબરે ઉતારવામાં આવ્યો હતો. જો કે આ પદ માટે શ્રેયસ અય્યર ફિટ થઈ જાય તે માટે રાહ જોવાઈ રહી છે.