કેપ્ટન રોહિત શર્માના આ પ્રયોગના કારણે આખ ટીમ ઇન્ડિયા માત્ર 181 રનના સ્કોર પર સમેટાઈ ગઈ હતી. વેસ્ટ ઈન્ડિઝની ટીમે આ લક્ષ્યને આસાનીથી હાંસલ કરી લીધું અને શ્રેણીમાં 1-1થી બરાબરી કરી લીધી હતી. આવી સ્થિતિમાં હવે ભારત અને વેસ્ટ ઇન્ડિઝ વચ્ચેની ત્રીજી વનડે મેચ નિર્ણાયક બની ગઈ છે. બંને ટીમો વચ્ચે મંગળવારે પોર્ટ ઓફ સ્પેન ખાતે મેચ રમાશે.
મજબૂતી સાથે રમવું જોઈએઃ નાયર
ટીમ ઇન્ડિયાના પ્રદર્શન પર અભિષેક નાયરે કહ્યું હતું કે, ‘મારું માનવું છે કે, જ્યારે તમે કોઈ મોટી ટૂર્નામેન્ટથી 6થી 8 મહિના દૂર હોવ ત્યારે તમારે તમારી મજબૂત રમત સાથે રમવું જોઈએ. સિવાય કે ઈજા ન થાય. તેમની સાથે પણ રમો. કારણ કે, તમે આવું કરો છો તે દરેકને એકબીજાની શક્તિઓ જાણવા મળશે અને તમને વિવિધ પરિસ્થિતિઓમાં સાથે કેવી રીતે રમવું તે અનુભવવામાં અને શીખવામાં મદદ કરશે. ફક્ત અભિષેક જ નહીં, ભારતના પૂર્વ ઓપનર બેટ્સમેન આકાશ ચોપડા પણ બીજી વનડેમાં આ પ્રયોગથી ખુશ નહતા અને તેમનું માનવું હતું કે, રોહિત અને વિરાટની સિનિયર જોડીને મેચથી આરામ નહતો આપવો જોઈતો.
આરપી સિંહે પણ કહી આ વાત
આ ઉપરાંત પૂર્વ ફાસ્ટ બોલર આરપી સિંહે પણ પોતાની વાત રાખી હતી. તેણે કહ્યું હતું કે, ટીમે વનડે વર્લ્ડ કપ માટે બોલિંગ વિભાગમાં ભૂમિકાઓ સારી રીતે ગોઠવી નથી. તમારે તમારી પ્લેઈંગ ઇલેવનને જાણવી જોઈએ. કારણ કે, આપણે વર્લ્ડ કપની ખૂબ નજીક છીએ. ઓછામાં ઓછા તમારે 10 મુખ્ય ખેલાડીઓને ઓળખવા જોઈએ અને તેમની સાથે રમવાનું ચાલુ રાખવું જોઈએ. ઉપરાંત જ્યાં સુધી બેટિંગ અને બોલિંગનો સંબંધ છે, તેમની ભૂમિકા એવી હોવી જોઈએ જે રીતે તેઓ વર્લ્ડ કપમાં તેનો ઉપયોગ કરવા તૈયાર છે. તેણે જણાવ્યું હતું કે, જો હાર્દિક નવા બોલનો ઉપયોગ કરી રહ્યો છે તો તે વર્લ્ડ કપ દરમિયાન નવા બોલની સાથે પણ તેનો ઉપયોગ કરવા અંગે વિચારતો હશે. ઓછામાં ઓછા કેટલીક ઓવરો માટે, પરંતુ સવાલ એ થાય છે કે, શું તે નવા બોલથી પોતાની અસર છોડી શકશે? અથવા તે કયો સ્પીનર છે, જેની સાથે તે જશે અને આ પ્રકારની વસ્તુ.