અમદાવાદની ટીમ માટે સૌથી વધુ બોલી
વિમેન્સ પ્રીમિયર લીગની પ્રથમ સિઝનમાં રમનારી પાંચ ટીમોમાં મુંબઈ, અમદાવાદ, બેંગલુરુ, લખનૌ અને દિલ્હી હશે. તેમની હરાજી કરવામાં આવી છે. જેમાં અમદાવાદની ટીમ માટે સૌથી વધુ બોલી લગાવવામાં આવી છે. જે અદાણી ગ્રુપ દ્વારા મૂકવામાં આવી છે. આ પછી ઈન્ડિયાવિન સ્પોર્ટ્સે મુંબઈની ટીમને બીજા નંબર પર ખરીદી લીધી છે.
કોણે પાંચ ટીમો કેટલામાં ખરીદી?
- અદાણી સ્પોર્ટ્સલાઇન પ્રા.લિમીટેડ, અમદાવાદ, રૂ. 1289 કરોડ
- ઈન્ડિયાવિન સ્પોર્ટ્સ પ્રા.લિમીટેડ (રિલાયન્સ ગ્રુપ), મુંબઈ, રૂ. 912.99 કરોડ
- રોયલ ચેલેન્જર્સ સ્પોર્ટ્સ પ્રા.લિમીટેડ, બેંગલુરુ, રૂ. 901 કરોડ
- જેએસડબ્લ્યુ જીએમઆર ક્રિકેટ પ્રા.લિમીટેડ, દિલ્હી, રૂ. 810 કરોડ
- કેપ્રી ગ્લોબલ હોલ્ડિંગ્સ પ્રા.લિમીટેડ, લખનૌ, રૂ. 757 કરોડ
માર્ચમાં યોજાઈ શકે છે વિમેન્સ પ્રીમિયર લીગ
BCCIએ હજુ સુધી વુમન્સ પ્રીમિયર લીગનું શેડ્યૂલ જાહેર કર્યું નથી, પરંતુ રિપોર્ટ્સનું માનીએ તો આ ટૂર્નામેન્ટ આ વર્ષે 4 થી 26 માર્ચ દરમિયાન યોજાઈ શકે છે. આ પહેલા મહિલા IPLને લઈને ખેલાડીઓની હરાજી પણ થવાની છે. પ્રથમ સિઝનમાં 22 મેચોની શક્યતા છે. આ તમામ મેચ મુંબઈના બ્રેબોર્ન સ્ટેડિયમ અને ડીવાય પાટીલ સ્ટેડિયમમાં રમાઈ શકે છે. પુરુષોની IPL માટે વાનખેડે સ્ટેડિયમને ફ્રેશ રાખવામાં આવશે. આ ટુર્નામેન્ટ 31 માર્ચથી 1 એપ્રિલ દરમિયાન યોજાય તેવી શક્યતા છે.
મહિલા IPLમાં દર વર્ષે ખેલાડીઓના પર્સમાં વધારો થશે
મહિલા IPLની પ્રથમ સિઝનમાં ખેલાડીઓનું પર્સ 12 કરોડ રૂપિયા હશે. તે દર વર્ષે ધીરે ધીરે વધશે, જે 5 વર્ષ પછી 18 કરોડ રૂપિયા થઈ જશે. બીજી સિઝનમાં ખેલાડીઓનું પર્સ 12 કરોડ રૂપિયાથી વધીને 13.5 કરોડ રૂપિયા થઈ જશે. આ પછી 2025ની સિઝનમાં 15 કરોડ રૂપિયા થઈ જશે. 2026ની સિઝનમાં આ ખેલાડીઓનું પર્સ વધીને 16.5 કરોડ રૂપિયા થઈ જશે. જ્યારે આખરે પાંચમા વર્ષે એટલે કે 2027માં આ પર્સ વધીને 18 કરોડ રૂપિયા થઈ જશે.
ચેમ્પિયન ટીમને 6 કરોડ રૂપિયા મળશે
તમને જણાવી દઈએ કે મહિલા IPLમાં ખેલાડીઓ માટે 10 કરોડ રૂપિયા ઈનામી રકમ તરીકે નક્કી કરવામાં આવ્યા છે. જ્યારે ચેમ્પિયન ટીમને 6 કરોડ અને રનર્સઅપ ટીમને 3 કરોડ રૂપિયા મળશે. ત્રીજા સ્થાને રહેલી ટીમને એક કરોડ રૂપિયા આપવામાં આવશે.
Read Latest Sports News And Gujarat News