IND vs BAN: ટીમ ઈન્ડિયાની હાર પરંતુ રોહિત શર્માએ રચ્યો ઈતિહાસ, આ કારનામું કરનારો પહેલો ભારતીય
વિરેન્દ્ર સેહવાગની ટીમ ઈન્ડિયા માટે ટ્વીટ
હાર બાદ પૂર્વ ભારતીય કેપ્ટન વિરેન્દ્ર સેહવાગે (Virender Sehwag) ટીમના પર્ફોર્મ્સને ક્રિપ્ટો કરન્સી સાથે જોડ્યું હતું. તેણે ટ્વીટ કરતાં લખ્યું હતું ‘ક્રિપ્ટો કરતાં પણ ઝડપથી આપણું પર્ફોર્મન્સ ઘટી રહ્યું છે યાર. ઢંઢોળવાની અને ઉઠવાની જરૂર છે’. તેણે આ વાત કોચ રાહુલ દ્રવિડ (Rahul Dravid) અને કેપ્ટન રોહિત શર્મા માટે કહી હોય તેમ લાગી રહ્યું છે. સેહવાગ બંને સાથે ક્લોઝ બોન્ડિંગ ધરાવે છે. દ્રવિડ સાથે લાંબા સમય સુધી ક્રિકેટ રમ્યો છે તો તે દરેક સ્ટેજ પર રોહિતના વખાણ કરતાં જોવા મળ્યો છે. તેવામાં આ ટ્વીટ દ્રવિડ અને રોહિત માટે સારો સંકેત નથી.
IND vs BAN: તૂટેલા અંગૂઠા પર લાગ્યા ટાંકા, છતાં 9 નંબરે આવી એકલો લડતો રહ્યો રોહિત શર્મા
બાંગ્લાદેશના ક્રિકેટર્સની ભાગીદારીએ બદલ્યું પાસુ
બાંગ્લાદેશે પહેલા બેટિંગ કરવાનો નિર્ણય લઈને સાત વિકેટ પર 271 રનનો મજબૂત સ્કોર ખડક્યો હતો. ટીમે 19 ઓવરમાં 68 રન પર છ વિકેટ ગુમાવી દીધી હતી. ત્યારબાદ મહેંદી હસને 83 બોલમાં આઠ ચોગ્ગા અને ચાર છગ્ગાની મદદથી 100 રનની ઈનિંગ્સ રમવા સિવાય મહમદુલ્લાહ (77 રન, 96 બોલ, સાત ફોર) સાથે સાતમી વિકેટ માટે 148 રનની ધાંસૂ ભાગીદારી કરી હતી. આ ભારત વિરુદ્ધ સાતમી વિકેટ પર સૌથી મોટી પાર્ટનરશિપ હતી.
શ્રેયસ અય્યર અને અક્ષર પટેલનો સંઘર્ષ
પડકારજનક લક્ષ્યની સામે ભારતીય ટીમ ફરી ખોથા ખાતી જોવા મળી. ભારતનો સ્કોર એક સમયે ચાર વિકેટ પર 65 રનનો હતો, ત્યારબાદ શ્રેયસ અય્યર (82 રન, 102 બોલ, 6 ફોર, ત્રણ સિક્સ) અને અક્ષર પટેલે (56 રન, 56 બોલ, 2 ફોર, 3 સિક્સ) પાંચમી વિકેટ માટે 107 રનની ભાગીદારી કરી હતી.
Read Latest Cricket News And Gujarati News