ફાફ ડુ પ્લેસિસને છેલ્લી મેચમાં પાંસળીમાં ઈજા થઈ હતી. ફાફ ડુપ્લેસિસ મેચની મુખ્ય પ્લેઈંગ ઈલેવનનો ભાગ છે, પરંતુ તે ઈમ્પેક્ટ પ્લેયર તરીકે જોવા મળશે. મેચમાં ટોસ દરમિયાન એક તરફ વિરાટ કોહલી હતો. વિરાટ કોહલી 2021 પછી પ્રથમ વખત કેપ્ટન તરીકે આવ્યો હતો, તો બીજી તરફ પંજાબની કેપ્ટન્સી સેમ કરણ પાસે છે. ટીમનો નિયમિત કેપ્ટન શિખર ધવન ઈજાગ્રસ્ત છે.
વિરાટ કોહલીને 2013માં ડેનિયલ વેટોરી પાસેથી ટીમની કપ્તાની મળી હતી. 2013થી અત્યાર સુધી કોહલીએ 140 મેચોમાં કેપ્ટન્સી કરી છે, જ્યારે તેની ટીમ 66 મેચમાં વિજયી રહી છે. કોહલીની કેપ્ટનસીમાં રોયલ ચેલેન્જર્સ બેંગોલરને મેચમાં હારનો સામનો કરવો પડ્યો હતો. છેલ્લી વખત તેણે 11 ઓક્ટોબર 2021ના રોજ ટીમનું સુકાન સંભાળ્યું હતું. શારજાહમાં રમાયેલી તે મેચમાં રોયલ ચેલેન્જર્સ બેંગલોરનો સામનો કોલકાતા નાઈટ રાઈડર્સ સામે થયો હતો. આ મેચ સિઝનની એલિમિનેટર હતી.
પંજાબ કિંગ્સના કાર્યકારી કેપ્ટન સેમ કરને રોયલ ચેલેન્જર્સ બેંગ્લોર સામે ટોસ જીતીને પ્રથમ બોલિંગ કરવાનો નિર્ણય લીધો હતો. બે ફેરફાર કરીને પંજાબની ટીમે પ્લેઇંગ-11માં લિયામ લિવિંગસ્ટોન અને નાથન એલિસનો સમાવેશ કર્યો હતો. આ મેચમાં વિરાટ કોહલી બેંગ્લોરની આગેવાની કરી રહ્યો છે. તેણે કહ્યું કે નિયમિત કેપ્ટન ફાફ ડુ પ્લેસિસ આ મેચમાં ફિલ્ડિંગ નહીં કરે પરંતુ બેટિંગ કરવા માટે આવશે અને તેનો ઉપયોગ ઈમ્પેક્ટ પ્લેયર તરીકે કરવામાં આવશે.
કોહલીએ નવ સીઝન સુધી બેંગલોરની કેપ્ટનસી કરી હતી
વિરાટ કોહલી રોયલ ચેલેન્જર્સ બેંગલોરનો ફક્ત મજબૂત ખેલાડી જ નથી પરંતુ તેણે નવ સિઝન સુધી ટીમની કેપ્ટનસી કરી હતી. ભલે એક પણ વખત બેંગલોર આઈપીએલ ચેમ્પિયન બની શક્યું નથી પરંતુ હાલમાં પણ કોહલીની ગણના ટુર્નામેન્ટના શ્રેષ્ઠ સુકાનીઓમાં થાય છે. વિરાટ કોહલીની કેપ્ટનસી હેઠળની ટીમની સફર ઉતાર-ચઢાવથી ભરેલી હતી પરંતુ તેના પ્રદર્શનને જોવામાં આવે તો તે વધારેને વધારે શ્રેષ્ઠ બનતું ગયું છે.