નેટ્સમાં હાર્દિક પંડ્યાએ વિરાટ કોહલીને પણ બોલ્ડ કર્યો હતો, જેનો એક વીડિયો સોશિયલ મીડિયા પર ખૂબ વાયરલ થઈ રહ્યો છે. વાસ્તવમાં આ વીડિયોમાં જોઈ શકાય છે કે વિરાટ કોહલીએ હાર્દિક પંડ્યાના બોલ પર ચાબૂક શોટ માર્યો હતો. આ જોઈને હાર્દિક પંડ્યા થોડો નિરાશ થઈ ગયો હતો અને બોલિંગ તરફ પાછો ફર્યો હતો. પરંતુ જેવો હાર્દિક પંડ્યા ફરીથી લાઈન-અપમાં પાછો આવ્યો ત્યારે વિરાટ કોહલીએ ચોગ્ગાનો ઈશારો કરીને ડાન્સ કરવાનું શરૂ કર્યું.
પ્રેક્ટિસ દરમિયાન હાર્દિક સાથે મસ્તી કરતા વિરાટ કોહલીનો આ વીડિયો ઘણો વાયરલ થઈ રહ્યો છે અને ફેન્સ પણ તેને ખૂબ પસંદ કરી રહ્યા છે. નોંધનીય છે કે, હાર્દિક પંડ્યા ટીમ માટે ઓલરાઉન્ડર તરીકે રમશે. તે ભારતીય ટીમ માટે બેટિંગની સાથે બોલિંગમાં પણ મહત્વની ભૂમિકા ભજવે છે.
ટેસ્ટ શ્રેણીમાં ભારતનો 1-0થી વિજય થયો હતો
વેસ્ટ ઈન્ડિઝના પ્રવાસ પર ભારતીય ટીમે વનડે પહેલા બે મેચની ટેસ્ટ રમી હતી. આ શ્રેણીમાં રોહિત શર્માની આગેવાનીવાળી ટીમે 1-0થી વિજય નોંધાવ્યો હતો. ટીમ ઈન્ડિયાએ ટેસ્ટ શ્રેણીમાં જોરદાર પ્રદર્શન કર્યું હતું. પ્રથમ ટેસ્ટમાં ભારતે યજમાન વેસ્ટ ઈન્ડિઝને આસાનીથી હરાવ્યું હતું. ત્યારપછી બીજી ટેસ્ટમાં ટીમ ઈન્ડિયાની જીત લગભગ નિશ્ચિત હતી પરંતુ વરસાદના કારણે પાંચમા દિવસની રમત ધોવાઈ ગઈ હતી. આ કારણે બીજી ટેસ્ટ મેચ ડ્રો રહી હતી પરંતુ ટીમ ઈન્ડિયાએ નિશ્ચિતપણે શ્રેણી 1-0થી જીતી લીધી હતી.