virat kohli drops catch, પ્રથમ ટેસ્ટઃ કોહલીથી છટક્યો બોલ પણ પંતે દેખાડી ચિત્તા જેવી ચપળતા, સુપરમેન સ્ટાઈલમાં પકડ્યો કેચ – india vs bangladesh 1st test 2022 rishabh pant completes brilliant catch after virat kohli drops it

કેચ આસાન હતો પરંતુ વિરાટ કોહલી બોલને પકડી શક્યો ન હતો. બોલ કોહલીના હાથમાંથી છટક્યો હતો અને તે નીચે જ પડવાનો હતો. ત્યારે રિશભ પંતે ચિત્તા જેવી ચપળતા દેખાડી હતી. તેણે ડાઈવ લગાવીને કેચ કરી લીધો હતો. આ સાથે શંટો 67 રન નોંધાવીને આઉટ થયો હતો. જ્યારે ભારતને પ્રથમ સફળતા મળી હતી.
પ્રથમ ટેસ્ટ જીતવાથી ભારત ફક્ત ચાર વિકેટ દૂર
ભારતીય ક્રિકેટ ટીમ બાંગ્લાદેશ વિરુદ્ધ રમાઈ રહેલી પ્રથમ ટેસ્ટ મેચ જીતવાથી ચાર વિકેટ દૂર છે. ચિત્તોગ્રામમાં રમાઈ રહેલી મેચના પ્રથમ દાવની તુલનામાં બાંગ્લાદેશે બીજા દાવમાં લડત આપવાનો પ્રયાસ કર્યો હતો પરંતુ ભારતીય બોલર્સ સામે તેના પ્રયાસો સફળ થાય તેવું લાગી રહ્યું નથી. ભારતે યજમાન ટીમ સામે જીતવા માટે 513 રનનો લક્ષ્યાંક મૂક્યો છે. જેના જવાબમાં શનિવારે ચોથા દિવસની રમતના અંતે બાંગ્લાદેશે છ વિકેટે 272 રન નોંધાવ્યા છે. દિવસના અંતે સુકાની સાકિબ અલ હસન 40 અને મેંહદી હસન મિરાઝ 9 રને રમતમાં છે. બાંગ્લાદેશ માટે પ્રથમ ટેસ્ટ રમી રહેલા ઝાકિર હસને લાજવાબ બેટિંગનું પ્રદર્શન કરતાં સદી ફટકારી હતી. બાંગ્લાદેશને હજી 241 રનની જરૂર છે અને તેની ચાર વિકેટ જમા છે.