બોલિવૂડ અભિનેત્રી અનુષ્કા શર્માએ તેના ક્રિકેટર પતિ વિરાટ કોહલીની “ધીરજ અને નિશ્ચય”ની પ્રશંસા કરી છે. તેણીએ દીકરી વામિકા (Vamika) સાથે આ રોમાંચક મેચ જોઈ હતી. અનુષ્કાએ તેના ઓફિશિયલ ઈન્સ્ટાગ્રામ એકાઉન્ટ પર લખ્યું કે, ‘એક દિવસ તેની 21 મહિનાની દીકરી વામિકા સમજી જશે કે તેની માતા શા માટે ડાન્સ કરી રહી છે અને આખા રૂમમાં પાગલ થઈને ચીસો પાડી રહી છે. એક દિવસ તે સમજી જશે કે તે રાત્રે તેના પિતાએ તેમની કારકિર્દીની શ્રેષ્ઠ ઇનિંગ્સ રમી હતી, જે ખૂબ જ મુશ્કેલ સમય પછી આવી હતી, પરંતુ તે પછી તે પહેલા કરતા વધુ મજબૂત અને સમજદાર બનીને ઉભરી આવ્યો હતો. અનુષ્કાએ આગળ લખ્યું, તમારા પર ગર્વ છે! તમારી ક્ષમતા ખરેખર પ્રભાવિત કરે છે અને તમારી પ્રતિભાને કોઈ સીમા નથી! હું તમને દરેક સારા અને ખરાબ તબક્કામાં હંમેશા પ્રેમ કરતી રહીશ.’
આ રીતે ભારતે પાકિસ્તાનને હરાવ્યું
નોંધનીય છે કે ભારતની શરૂઆત ખૂબ જ ખરાબ રહી હતી અને સાતમી ઓવરમાં તેના ચાર બેટ્સમેન 31 રનના સ્કોર પર પેવેલિયન ભેગા થયા હતા. કેએલ રાહુલ અને રોહિત શર્મા અનુક્રમે ચાર રન બનાવીને નસીમ શાહ અને રઉફનો શિકાર બન્યા હતા. ભારતના નંબર વન T20 બેટ્સમેન સૂર્યકુમાર યાદવ (15)ને પણ રૌફ દ્વારા પેવેલિયનમાં મોકલવામાં આવ્યો હતો જ્યારે અક્ષર પટેલ બે રન બનાવીને રનઆઉટ થયો હતો. પરંતુ બાદમાં કોહલી અને પંડ્યાએ મોરચો સંભાળ્યો હતો.
પંડ્યાએ 37 બોલમાં 40 રનની ધીમી ઇનિંગ રમી હતી પરંતુ કોહલી સાથે 113 રનની ભાગીદારી કરી હતી. વિરાટ કોહલી છેલ્લે સુધી મેદાન પર રહ્યો અને જીત બાદ જ પરત ફર્યો. રોહિત શર્મા મેદાન પર પહોંચતાની સાથે કોહલીને ખભે ઉચકી લીધો હતો. પાકિસ્તાનના નંબર વન ફાસ્ટ બોલર શાહીન શાહે આઠ ઓવરમાં 34 રન આપ્યા પરંતુ તેને કોઈ વિકેટ મળી ન હતી.