takhubhani talwar, વિવાદમાં ફસાઈ ગુજરાતી ફિલ્મ ‘તખુભાની તલવાર’, કરણી સેનાએ આપી ચેતવણી – gujarati film takhubhani talwar caught in controversy karni sena warns

સમગ્ર દેશમાં એક બાજુ પઠાણ ફિલ્મ અંગે ભારે વિવાદ જોવા મળી રહ્યો છે ત્યારે ફિલ્મ ઉદ્યોગ પર ઘેરા પ્રત્યાઘાતો જોવા મળી રહ્યા છે. આ સંજોગોમાં ગુજરાતમાં પણ ફિલ્મ ઈન્ડસ્ટ્રીઝમાં એક વિવાદ ઉભરીને આવ્યો છે, અલબત આ વિવાદ ગુજરાતી ફિલ્મ (Gujarati film) ‘તખુભાની તલવાર’ (Takhubhani Talwar) અંગે વિવાદ થયો છે. આ ફિલ્મ અંગે રાજપૂત કરણી સેનાએ ભારે વિરોધ નોંધાવ્યો છે. કરણી સેના (Karni Sena)એ આ આરોપ લગાવ્યો છે કે આ ફિલ્મમાં ક્ષત્રિય સમાજનું અપમાન થાય તેવી બાબતને દર્શાવવામાં આવી છે.

પઠાણ બાદ હવે તખુભાની તલવર અંગે વિવાદ
દેશભરમાં પઠાણ ફિલ્મને લઈને ભારે વિરોધ ચાલી રહ્યો છે. પઠાણ ફિલ્મ ( Pathan film)ને લઈ હિન્દુ સંગઠનો બાદ હવે મુસ્લિમ સંગઠનો પણ મેદાનમાં આવ્યા છે. આ ગરમાવા વચ્ચે ગુજરાતી ફિલ્મ ‘તખુભાની તલવાર’નો રાજપૂત કરણી સેના (Rajput Karni Sena) એ વિરોધ કર્યો છે. જેમાં કરણી સેનાએ ફિલ્મમાં ક્ષત્રિય સમાજને નીચો દેખાડ્યો હોવાનો આરોપ લગાવવામાં આવ્યો છે.

આ ફિલ્મ શુક્રવારે રિલીઝ થવાની છે
આ ફિલ્મને લઈ લોકો ભારે વિવાદ કરી રહ્યા છે અને ફિલ્મ રિલીઝ થવા અંગે વિરોધ કરી રહ્યા છે. આ ફિલ્મ શુક્રવારે એટલે કે 30 ડિસેમ્બર 2022ના રોજ રિલીઝ થવાની છે.

કરણી સેનાએ આપી ચેતવણી
કરણી સેનાના અધ્યક્ષ જેપી જાડેજાએ આ અંગે કહ્યું છે કે આ ફિલ્મમાં ક્ષત્રિય સમાજને નીચે દેખાડવામાં આવ્યું છે. અમારા સમાજની લાગણી દુભાય તેવી બાબત ફિલ્મમાં દર્શાવવામાં આવ્યું છે. તેમણે એવી પણ ચેતવણી આપી કે જો આ ફિલ્મને રિલીઝ થતા અટકાવવામાં નહીં આવે તો રાજપૂત કરણી સેના માર્ગ પર ઉતરશે અને ભારે વિરોધ કરશે. માટે આ ફિલ્મને રિલીઝ થતી અટકાવવામાં આવે. કોઈ પણ ફિલ્મમાં કોઈ પણ સમાજની લાગણી દૂભાય કે પછી તેમના માન-સન્માનને નુકસાન થાય તેવી બાબતોને આવરવી જોઈએ નહી.