t20 world cup 2022, T20 વર્લ્ડ કપમાં રચાયો અનોખો સંયોગ, ટીમ ઈન્ડિયા બનશે ચેમ્પિયન! – t20 world cup 2022 ireland beat england coincidence 2011 one day world cup

ઓસ્ટ્રેલિયામાં રમાઈ રહેલા ટી20 વર્લ્ડ કપમાં એક અનોખો સંયોગ રચાયો છે. આયર્લેન્ડે ટાઈટલના દાવેદારોમાં સામેલ ઈંગ્લેન્ડને પરાજય આપ્યો હતો. સુપર-12 રાઉન્ડની આ મેચમાં વરસાદનું વિઘ્ન આવ્યું હતું અને ડકવર્થ લૂઈસ નિયમ મુજબ ઈંગ્લેન્ડને પાંચ રને પરાજયનો સામનો કરવો પડ્યો હતો. આયર્લેન્ડે પ્રથમ બેટિંગ કરતાં 19.2 ઓવરમાં 157 રનનો સ્કોર નોંધાવ્યો હતો. લક્ષ્યાંક પાર પાડવા ઉતરેલી ઈંગ્લેન્ડની ટીમે 14.3 ઓવરમાં પાંચ વિકેટે 105 રન નોંધાવ્યા હતા. બાદમાં વરસાદ આવ્યો હતો અને આગળની રમત શક્ય બની ન હતી. ડકવર્થ લૂઈસ મુજબ આયર્લેન્ડનો વિજય થયો હતો.

2011ના વર્લ્ડ કપમાં પણ આયર્લેન્ડે ઈંગ્લેન્ડને હરાવ્યું હતું
2011ના વન-ડે વર્લ્ડ કપમાં ભારતીય ટીમ ચેમ્પિયન રહી હતી. ભારતમાં રમાયેલા તે વર્લ્ડ કપમાં પણ આયર્લેન્ડે ઈંગ્લેન્ડને પરાજય આપ્યો હતો. બેંગલુરૂમાં રમાયેલી મેચમાં ઈંગ્લેન્ડે 8 વિકેટે 327 રનનો મોટો સ્કોર નોંધાવ્યો હતો. જેના જવાબમાં આયર્લેન્ડે એક સમયે 25 ઓવરમાં 111 રને પાંચ વિકેટ ગુમાવી દીધી હતી. જોકે, બાદમાં કેવિન ઓબ્રાયન મેદાનમાં આવ્યો હતો. તેણે 50 બોલમાં સદી ફટકારી હતી અને 63 બોલમાં 113 રનની ઈનિંગ્સ રમી હતી. જેની મદદથી આયર્લેન્ડે ત્રણ વિકેટે વિજય નોંધાવ્યો હતો.

ઓસ્ટ્રેલિયા અને ન્યૂઝીલેન્ડ સામે પ્રેક્ટિસ મેચ
2011ના વન-ડે વર્લ્ડ કપ પહેલા ભારતીય ટીમની બે પ્રેક્ટિસ મેચ હતી. પ્રથમ મેચ ઓસ્ટ્રેલિયા સામે અને બીજી પ્રેક્ટિસ મેચ ન્યૂઝીલેન્ડ વિરુદ્ધ હતી. જ્યારે ટી20 વર્લ્ડ કપ 2022ની શરૂઆત પહેલા ભારતની બે પ્રેક્ટિસ મેચ હતી. જેમાં પ્રથમ મેચ ઓસ્ટ્રેલિયા અને બીજી પ્રેક્ટિસ મેચ ન્યૂઝીલેન્ડ સામે હતી.

નેધરલેન્ડ્સ સામે થયો હતો મુકાબલો
આ વખતે નેધરલેન્ડ્સની ટીમ ભારતના ગ્રુપમાં છે. 2011ના વન-ડે વર્લ્ડ કપમાં પણ નેધરલેન્ડ્સની ટીમ ભારતના ગ્રુપમાં છે. આ સાથે જ 2011માં ઓરિયો લોન્ચ થયું હતું. આ વખત વર્લ્ડ કપ પહેલા મહેન્દ્ર સિંહ ધોનીએ વધુ એક વખત ઓરિયો લોન્ચ કરતા કહ્યું હતું કે ભારતીય ટીમ ચેમ્પિયન બનશે. આમ હાલમાં સતત એવા સંયોગ બની રહ્યા છે જે સંકેત આપી રહ્યા છે કે ભારતીય ટીમ આ વખતે ટી20 વર્લ્ડ કપ જીતી શકે છે.