ICC T20 World Cup 2022: આઈસીસી એ તે પણ ખુલાસો કર્યો હતો કે આગામી મહિને ઓસ્ટ્રેલિયામાં રમાનારા ટી20 વર્લ્ડ કપ માટે જુદા-જુદા 82 દેશોમાંથી કુલ 5,00,000થી વધુ ટિકિટોનું વેચાણ થયું છે. આઈસીસી ટી20 વર્લ્ડ કપ તમામ ઉંમરના અને કોઈ પણ બેકગ્રાઉન્ડ ધરાવતા ક્રિકેટપ્રેમીઓને આવકારવા માટે સજ્જ છે. 5,00,000 ચાહકોએ અત્યારથી જ પોતાની ટિકિટો ખરીદી લીધી છે.
હાઈલાઈટ્સ:
- ICC T20 વર્લ્ડ કપમાં 23 ઓક્ટોબરે મેલબોર્નમાં ભારત અને પાકિસ્તાન વચ્ચે જંગ જામશે
- આઈસીસી એ તે પણ જણાવ્યું છે કે ટિકિટો સસ્તી હોવાના કારણે તેનું વેચાણ મોટા પ્રમાણમાં થયું છે
- પ્રથમ રાઉન્ડ અને સુપર-12ની મેચો માટે બાળકોની ટિકિટોના ભાવ ફક્ત 5 ડોલર છે
આ ઉપરાંત આઈસીસી એ તે પણ ખુલાસો કર્યો હતો કે આગામી મહિને ઓસ્ટ્રેલિયામાં રમાનારા ટી20 વર્લ્ડ કપ માટે જુદા-જુદા 82 દેશોમાંથી કુલ 5,00,000થી વધુ ટિકિટોનું વેચાણ થયું છે. આઈસીસી ટી20 વર્લ્ડ કપ તમામ ઉંમરના અને કોઈ પણ બેકગ્રાઉન્ડ ધરાવતા ક્રિકેટપ્રેમીઓને આવકારવા માટે સજ્જ છે. 5,00,000 ચાહકોએ અત્યારથી જ પોતાની ટિકિટો ખરીદી લીધી છે. 82 દેશોમાંથી ક્રિકેટપ્રેમીઓએ ટિકિટો ખરીદી છે. 2020માં રમાયેલા વિમેન્સ વલ્ડ કપ બાદ પ્રથમ વખત ફૂલ સ્ટેડિયમમાં આઈસીસીની ઈવેન્ટ રમાશે. વિમેન્સ વર્લ્ડ કપની ફાઈનલમાં મેલબોર્ન ક્રિકેટ સ્ટેડિયમમાં 86,174 પ્રેક્ષકો હાજર રહ્યા હતા.
આઈસીસી એ તે પણ જણાવ્યું છે કે ટિકિટો સસ્તી હોવાના કારણે તેનું વેચાણ મોટા પ્રમાણમાં થયું છે. બાળકોની 85,000થી વધુની ટિકિટો વેચાઈ છે. પ્રથમ રાઉન્ડ અને સુપર-12ની મેચો માટે બાળકોની ટિકિટોના ભાવ ફક્ત 5 ડોલર છે જ્યારે પુખ્તવયના લોકોની ટિકિટોની કિંમત 20 ડોલરથી શરૂ થાય છે. ટુર્નામેન્ટ નજીક આવશે ત્યારે સત્તાવાર રિ-સેલ પ્લેટફોર્મ શરૂ કરવામાં આવી શકે છે જ્યાં ફેન્સ ફેસ વેલ્યુથી પોતાની ટિકિટ એક્સચેન્જ કરાવી શકે છે.
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ