એક સમયે શુભમન ગિલનું નામ સચિન તેંડુલકરના દીકરી સારા (Sara Tendulkar) સાથે જોડવામાં આવતું હતું. હવે અહેવાલ આવ્યા છે કે, બંનેએ એકબીજાને ઈન્સ્ટાગ્રામ પર અનફોલો કરી દીધા છે. સારા પછી કહાનીમાં હવે વધુ એક સારા એટલે સારા અલી ખાન (Sara Ali Khan)ની એન્ટ્રી થઈ છે. બંનેને અવાર-નવાર ડિનર અને પાર્ટીઓમાં સાથે સ્પોટ કરાયા છે. હવે, અહીં દર્શકો શુભમન ગિલને સારા તેંડુલકરનું નામ લઈને ચીડવી રહ્યા હતા કે પછી સારા અલી ખાનનું નામ લઈને તે સ્પષ્ટ નથી વાત છે.
શુભમન ગિલના નામે રહી સીરિઝ
મેચની વાત કરીએ તો, ત્રણ મેચની સીરિઝની ત્રીજી અને છેલ્લી વન-ડે 90 રનથી જીતતા જ રોહિતની સેનાએ ન્યૂઝીલેન્ડના 3-0થી સૂપડાં સાફ કરી દીધા. મેન ઈન બ્લૂઝને ન્યૂઝીલેન્ડના સ્ટેન્ડ ઈન કેપ્ટન ટોપ લાથમે પહેલા બેટિંગ કરવા આમંત્રણ આપ્યું હતું અને પછી રોહિત શર્મા (Rohit Sharma)એ ત્રણ વર્ષ કરતા વધુ સમય પછી વન-ડે સદી ફટકારી. શુભમન ગિલે પોતાની છેલ્લી ચાર ઈનિંગ્સમાં ત્રીજી સદી ફટકારી, જેમાં એક ડબલ સેન્ચુરી પણ સામેલ છે. તો, ભારત માટે માત્ર 78 રનમાં 112 રન બનાવી સૌથી વદુ સ્કોર કરનારો ક્રિકેટર બન્યો.