જોકે, આ પહેલીવાર નથી જ્યારે શુભમન ગિલ રન ન બનાવી શક્યો હોય. છેલ્લી 8 ઇનિંગ્સ પર નજર કરીએ તો, શુભમને લોકોને સતત નિરાશ જ કર્યા છે. અમદાવાદ ટેસ્ટની વાત કરીએ તો, કુલ 7 ઇનિંગ્સમાં તે માત્ર 90 રન જ બનાવી શક્યો હતો, જેમાં તેનો શ્રેષ્ઠ સ્કોર માત્ર 21 રનનો હતો, જે તેણે ઇન્દોર ટેસ્ટમાં રમી હતી. ટેસ્ટમાં તેનું ફોર્મ ચોક્કસપણે ચર્ચાનો મુદ્દો બની રહેશે. કારણ કે, સફેદ બોલ ક્રિકેટમાં બોલર્સને હંફાવી દેનારો ખેલાડી ટેસ્ટ ફોર્મેટમાં પોતે હાંફી રહ્યો છે. આવી સ્થિતિમાં શુભમને ટેસ્ટમાં પણ પોતાની રમતમાં સુધારો કરવો પડશે.
ટેસ્ટમાં શુભમનની 32ની એવરેજ
શુભમન ગિલે વર્ષ 2020માં ઓસ્ટ્રેલિયા સામે ટેસ્ટ ડેબ્યૂ કર્યું હતું. ત્યારથી તે ટીમ ઈન્ડિયા માટે 17 મેચોમાં દેખાયો છે, જેમાં તેણે 31.96ની એવરેજથી 927 રન બનાવ્યા છે. તે દરમિયાન તેના ખાતામાં 4 અડધી સદી અને માત્ર સદી જ આવી છે. શુભમને પહેલી સદી ડિસેમ્બર 2022માં બાંગ્લાદેશ સામે બનાવી હતી. જ્યારે તેણે આ વર્ષે અમદાવાદમાં ઓસ્ટ્રેલિયા સામે તેની બીજી સદી ફટકારી હતી. આવી સ્થિતિમાં, શુભમન પાસે વેસ્ટ ઈન્ડિઝના પ્રવાસમાં મજબૂત રમત બતાવવાની અને મર્યાદિત ઓવરોના ફોર્મેટની જેમ ટેસ્ટમાં પણ પોતાના પગ મજબૂતીથી સ્થાપિત કરવાની મોટી તક છે.
વન ડેમાં લગાવી ચૂક્યો છે બેવડી સદી
ODI ફોર્મેટમાં શુભમન ગિલનું પ્રદર્શન જોરદાર રહ્યું છે. તેણે આ વર્ષે ન્યૂ ઝિલેન્ડ સામે 208 રનની ઇનિંગ રમીને ધૂમ મચાવી હતી. આમ તો શુભમને ભારત માટે અત્યાર સુધીમાં કુલ 24 વનડે રમી છે, જેમાં તેણે 65.55ની વિનાશક એવરેજથી 1,311 રન બનાવ્યા છે. તેના નામો આ ફોર્મેટમાં 5 અડધી સદી અને 4 સદી પણ સામેલ છે. ઉપરાંત શુભમને ટીમ ઇન્ડિયા માટે 6 ટી-20 મેચ પણ રમી છે. ટી20માં શુભમને સદી સાથે 202 રન બનાવ્યા છે.