IPL Auction 2023: ઈન્ડિયન પ્રીમિયર લીગની આગામી સિઝન માટે હાલમાં હરાજી ચાલી રહી છે. જેમાં ઈંગ્લેન્ડનો ઓલ-રાઉન્ડર સેમ કરન પર રેકોર્ડ બોલી લાગી હતી. પંજાબ કિંગ્સે સેમ કરનને 18.5 કરોડ રૂપિયામાં ખરીદ્યો હતો. આ સાથે જ સેમ કરન આઈપીએલ ઈતિહાસનો સૌથી મોંઘો ખેલાડી બની ગયો છે. સેમ કરનની બેઝ પ્રાઈઝ 2 કરોડ રૂપિયા હતી
સેમ કરન ઉપરાંત ઈંગ્લેન્ડની ટેસ્ટ ટીમના સુકાની અને સ્ટાર ઓલ-રાઉન્ડર બેન સ્ટોક્સને ખરીદવા માટે પણ ફ્રેન્ચાઈઝીઓમાં રસાકસી જોવા મળી હતી. અંતે ચેન્નઈ સુપર કિંગ્સે બેન સ્ટોક્સને પોતાની ટીમમાં સામેલ કર્યો હતો. તેને ખરીદવા માટે રાજસ્થાન રોયલ્સ અને રોયલ ચેલેન્જર્સ બેંગલોરે બોલી શરૂ કરી હતી. 7 કરોડ રૂપિયા પર લખનૌ સુપર જાયન્ટ્સ ટીમે એન્ટ્રી કરી હતી. ત્યારબાદ લખનૌ અને હૈદરાબાદ વચ્ચે ટક્કર થઈ હતી. અંતે ચેન્નઈ સુપર સિંગ્સે 16.25 કરોડ રૂપિયામાં પોતાની સાથે જોડ્યો હતો. હવે તે મહેન્દ્ર સિંહ ધોનીની કેપ્ટનસીમાં રમતો જોવા મળશે.
જ્યારે ઓસ્ટ્રેલિયાનો કેમેરોન ગ્રીન પણ કરોડપતિ બની ગયો છે. મુંબઈ ઈન્ડિયન્સને કેમેરોન ગ્રીનને 17.5 કરોડ રૂપિયામાં ખરીદ્યો છે. સેમ કરન બાદ તે વર્તમાન ઓક્શનમાં સૌથી મોંઘો ખેલાડી બની ગોય છે. મુંબઈ ઈન્ડિયન્સે તેને ખરીદવા માટે પોતાની નાણાની કોથળી ખુલ્લી મૂકી દીધી હતી. કેઈરોન પોલાર્ડે નિવૃત્તિ લીધા બાદ મુંબઈ ઈન્ડિયન્સને એક એવા ખેલાડીની જરૂર હતી જે બોલિંગ અને બેટિંગ બંને કરી શકે.
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ