યુવા ખેલાડીઓને વધુ તક
નોંધનીય છે કે આ ટીમમાં કેટલાક એવા ખેલાડીઓની પણ પસંદગી કરવામાં આવી છે જેમને સિનિયર ખેલાડીઓ સાથે રમવા તક મળી છે. વોશિંગ્ટન સુંદર, રવિ બિશ્નોઈ અને આવેશ ખાન જેવા ખેલાડીઓ ટીમમાં સામેલ કરાયા છે. આ ખેલાડીઓનો ઈન્ટરનેશનલ ટીમમાં પણ સમાવેશ કરાઈ ચૂક્યો છે. જ્યાં તેમનું પ્રદર્શન શાનદાર રહ્યું હતું આના સિવાય યશ ઠાકોર, સાઈ કિશોર, વેંકટેશ અય્યર, દીપક હુડા અને સાઈ સુદર્શનને સ્ટેન્ડબાય પર રાખવામાં આવ્યા છે.
શિખર ધવનનું પત્તુ કપાયું
એશિયન ગેમ્સની ટીમને લઈને એવું પણ અનુમાન લગાવાઈ રહ્યું હતું કે શિખર ધવનને કેપ્ટનશિપ મળી શકે છે. તમને જણાવી દઈએ કે એશિયન ગેમ્સ ત્યારે આયોજિત થઈ છે જ્યારે ટીમ ઈન્ડિયા એશિયા કપમાં ભાગ લઈને પરત ફરશે અને વર્લ્ડ કપની તૈયારીઓમાં લાગી ગઈ હશે. તેવામાં ધવનને એશિયન ગેમ્સમાં સામેલ નથી કરાયો એટલે એવા સંકેતો મળી રહ્યા છે કે તે પાકિસ્તાન જે એશિયા કપ હોસ્ટ કરવાનો છે તેમાં ટીમ ઈન્ડિયામાં રમી શકે છે. ત્યારપછી જો પ્રદર્શન સારુ રહ્યું તો શિખર ધવન અને રોહિત શર્માની જોડી ફરી એકવાર ઓપનિંગ કરતી જોવા મળી શકે છે.
BCCIએ પહેલા જ જણાવી દીધું હતું કે તેઓ એશિયન ગેમ્સમાં યુવા ટીમ મોકલશે. જેમાં યુવા ખેલાડીઓ ટીમને રિપ્રેઝેન્ટ કરશે. તથા એશિયન ગેમ્સમાં ટી20 ફોર્મેટમાં મેચ રમાઈ શકે છે.
રિંકુ સિંહને તક મળી
IPL 2023માં પોતાની આક્રમક બેટિંગથી બધાને કાયલ કરનારા રિંકુ સિંહને પણ એશિયન ગેમ્સ માટે ઈન્ડિયન ટીમમાં પસંદ કરવામાં આવ્યો છે. રિંકુએ કોલકાતા માટે શાનદાર ગેમ રમી હતી, જેના કારણે ઈન્ડિયન ટીમમાં તેની દાવેદારી મજબૂત ગણવામાં આવી હતી. વેસ્ટ ઈન્ડિઝ ટૂર પર પણ રિંકુ સિંહના નામને લઈને ચર્ચાઓ થઈ રહી હતી પરંતુ તેને તક મળી નહોતી. રિંકુ સિવાય પંજાબ કિંગ્સ માટે રમનારો વિકેટકીપર બેટ્સમેન પ્રભસિમરન સિંહ પણ ટીમમાં સામેલ થયો હતો.
એશિયન ગેમ્સ 2023 માટે ઈન્ડિયન મેન્સ ટીમઃ ઋતુરાજ ગાયકવાડ ( કેપ્ટન), યશસ્વી જયસ્વાલ, રાહુલ ત્રિપાઠી, તિલક વર્મા, રિંકૂ સિંહ, જિતેશ શર્મા (વિકેટ કીપર), વોશિંગ્ટન સુંદર, શાહબાઝ અહેમદ, રવિ બિશ્નોઈ, આવેશ ખાન, અર્શદીપ સિંહ, મુકેશ કુમાર, શિવમ માવી, શિવમ દુબે, પ્રભસિમરન સિંહ.