WTCના ફાઈનલમાં નહીં રમે ગાયકવાડ
લગ્નના કારણે રુતુરાજ ગાયકવાડ ઈંગ્લેન્ડમાં રમાનારી વર્લ્ડ ટેસ્ટ ચેમ્પિયનશિપના ફાઈનલમાં ભાગ નહીં લઈ શકે. તેણે જ જણાવ્યું હતું કે, લગ્નના કારણે તે ટીમ ઈન્ડિયાને આ મહત્વની મેચમાં સાથ નહીં આપી શકે. તેવામાં યશસ્વી જયસ્વાલને સામેલ કરવામાં આવ્યો છે.
IPL 2023માં ગાયકવાડે મચાવી ધમાલ
ગાયકવાડે ઈન્ડિયન પ્રીમિયર લીગ 2023ની 16મી સીઝનમાં સીએસકે માટે ધમાકેદાર બેટિંગ કરી હતી. તેણે 16 મેચમાં કુલ 590 રન બનાવ્યા હતા, જેમાં 4 અડધી સદી સામેલ છે. ગાયકવાડ ફાઈનલ મેચમાં પણ 16 બોલમાં 26 રનની વિસ્ફોટક ઈનિંગ રમ્યો હતો
રુતુરાજની થનારી પત્ની પણ છે ક્રિકેટર
સીએસકેના ચેમ્પિયન બન્યા બાદ રુતુરાજ ગાયકવાડે પોતાની ગર્લફ્રેન્ડ અને થનારી પત્ની ઉત્કર્ષા સાથે હાથમાં ટ્રોફી લઈ તસવીર ક્લિક કરાવી હતી, ઉત્કર્ષા પણ વ્યવસાયે ક્રિકેટર છે અને મહારાષ્ટ્રની મહિલા ટીમમાં સામેલ છે.
મહારાષ્ટ્ર મહિલા ક્રિકેટ ટીમની સભ્ય છે ઉત્કર્ષા
23 વર્ષની ઉત્કર્ષા મૂળ પુણેની રહેવાસી છે. શરૂઆતમાં તે ફુટબોલ અને બેડમિન્ટન રમતી હતી પરંતુ 11 વર્ષની ઉંમરમાં તેણે ક્રિકેટ પર પસંદગી ઉતારી હતી. બાદમાં તેને મહારાષ્ટ્ર મહિલા ક્રિકેટ માટે રમવાની તક મળી હતી. તેણે ન્યૂટ્રિશન અને ફિટનેસ સાયન્સનો અભ્યાસ કર્યો છે.
ઓલરાઉન્ડર છે ઉત્કર્ષા પવાર
ઉત્કર્ષા એક ઓલરાઉન્ડર છે. તે બેટિંગની સાથે મીડિયમ પેસ બોલિંગ કરી શકે છે. તેના ક્રિકેટિંગ કરિયરની વાત કરીએ તો, તે મહારાષ્ટ્ર અંડર 19 ટીમ અને 2012-13 અને 2017-18 સેશનમાં સામેલ રહી હતી. આ સિવાય તેને વેસ્ટ ઝોનમાં અંડર-19ની ટીમમાં રમવાની તક મળી હતી. બાદમાં તેનું સિલેક્શન મહારાષ્ટ્રની સીનિયર ટીમમાં પણ થયું.
ઘણા સમયથી રિલેનશિપમાં છે ઉત્કર્ષા અને રુતુરાજ
ઉત્કર્ષા અને રુતુરાજ લાંબા સમયથી એકબીજાને ઓળખે છે. બંનેની મુલાકાત એક કોમન ફ્રેન્ડથી થકી થઈ હતી. રુતુરાજનું નામ એક મરાઠી એક્ટ્રેસ સાથે પણ જોડાયું હતું પરંતુ તે ખબર અફવા સાબિત થઈ હતી.