અમદાવાદના નરેન્દ્ર મોદી સ્ટેડિયમમાં રચાશે ઈતિહાસ! અહીં રમાશે વર્લ્ડ કપ 2023ની ફાઈનલ મેચ?
સીરિઝમાં હાર મળતા નિરાશ થયો રોહિત શર્મા
મેચ બાદ યોજાયેલી પ્રેઝન્ટેશન સેરેમનીમાં રોહિત શર્માએ કહ્યું હતું કે ‘મને નથી લાગતું કે લક્ષ્યાંક મોટું હતું. જો કે, બીજી ઈનિંગમાં થોડી પડકારજનક સ્થિતિ હતી. પરંતુ અમે સારી બેટિંગ કરી હોય તેમ મને લાગતું નથી. ભાગીદારી મહત્વપૂર્ણ હોય છે અને આજે અમે તેમ કરવામાં નિષ્ફળ રહ્યા હતા. અમે જે રીતે એક બાદ એક આઉટ થયા તે નિરાશાજનક હતું. આ પ્રકારે રમીને મોટા થયા છીએ. ક્યારેક પોતાને તક આપવી પડે છે’.
આ આખી ટીમની હાર છેઃ રોહિત શર્મા
આગળ તેણે કહ્યું હતું કે ‘એક બેટ્સમેન અંત સુધી રમતો રહે તે જરૂરી હતું. અમે સૌ પોતાની રીતે બેસ્ટ આપવાનો પ્રયાસ કર્યો હતો. પરંતુ તેમ થયું નહીં. અમે જાન્યુઆરીથી અત્યારસુધીમાં નવ વનડે રમ્યા છે, જેમાંથી અમે ઘણી પોઝિટિવ બાબતો શીખી શકીએ છીએ. આ આખી ટીમની હાર છે’.
અંતિમ વન-ડેમાં ટીમ ઈન્ડિયાનો પરાજય, ઓસ્ટ્રેલિયાએ 2-1થી સીરિઝ જીતી લીધી
એડમ જમ્પા ‘પ્લેયર ઓફ ધ મેચ’
એડમ જમ્પાને 45 રન પર ચાર વિકેટ લઈને ભારત સામે પોતાનું સર્વશ્રેષ્ઠ બોલિંગ કરી હતી, તેને ‘પ્લેયર ઓફ ધ મેચ’ પસંદ કરવામાં આવ્યો હતો. તેણે કહ્યું હતું કે ‘મને આ સફળતા મળી છે. અહીંયા આવીને રમવું તે મોટો પડકાર છે. એશ્ટન એગરે મેચ બદલી નાખી હતી’. તો મિચેલ માર્શને ‘પ્લેયર ઓફ ધ સીરિઝ’ તરીકે પસંદ કરવામાં આવ્યો હતો, જેણે ત્રણ મેચમાં 194 રન બનાવ્યા હતા.
21 રનથી ટીમ ઈન્ડિયાને મળી હાર
વનડે સીરિઝની ત્રીજી મેચમાં ઓસ્ટ્રેલિયાની ટીમે પહેલા બેટિંગ કરતાં 269 રન બનાવ્યા હતા. મેચમાં ઓસ્ટ્રેલિયા માટે મિશેલ માર્ચે સૌથી વધારે 47 રન કર્યા હતા. ભારત તરફથી હાર્દિક પંડ્યા, કુલદીપ યાદવ, અક્ષર પટેલ અને મહોમ્મદ સિરાજના ખાતાં 2-2 વિકેટ આપી હતી. ટીમ ઈન્ડિયા જ્યારે લક્ષ્યાંક પૂરું કરવા માટે મેદાનમાં ઉતરી તો 49.1 ઓવરમાં 248 રનમાં સમેટાઈ હતી. આ રીતે ભારતને 21 રનથી હાર મળી હતી.
Read latest Cricket News and Gujarati News