રોહિત શર્મા માટે એક બેટર તરીકે ટી20 વર્લ્ડ કપ સારો રહ્યો નથી. ટુર્નામેન્ટમાં તેણે ફક્ત એક જ અડધી સદી ફટકારી હતી. જ્યારે સારી શરૂઆત છતાં મોટો સ્કોર નોંધાવવામાં નિષ્ફળ રહ્યો હતો. તેના કારણે તેની ફિટનેસ પર પણ સવાલો ઊભા થયા હતા. ખાસ કરીને પાકિસ્તાનના ઘણા ભૂતપૂર્વ ક્રિકેટર્સે કહ્યું હતું કે રોહિત શર્મા અનફિટ છે.
હાઈલાઈટ્સ:
- ન્યૂઝીલેન્ડ પ્રવાસમાં નિયમિત સુકાની રોહિત શર્મા સહિત સ્ટાર ખેલાડીઓને આરામ આપવામાં આવ્યો છે
- રોહિત શર્મા છેલ્લા ઘણા સમયથી બેટર તરીકે ફ્લોપ રહ્યો છે અને તેની ફિટનેસ પર સવાલો થઈ રહ્યા છે
- રોહિત શર્મા ટી20 વર્લ્ડ કપ પણ ફ્લોપ રહ્યો હતો અને તે ફક્ત એક જ અડધી સદી નોંધાવી શક્યો હતો
ફક્ત એક જ અડધી સદી ફટકારી શક્યો હતો રોહિત શર્મા
રોહિત શર્મા માટે એક બેટર તરીકે ટી20 વર્લ્ડ કપ સારો રહ્યો નથી. ટુર્નામેન્ટમાં તેણે ફક્ત એક જ અડધી સદી ફટકારી હતી. જ્યારે સારી શરૂઆત છતાં મોટો સ્કોર નોંધાવવામાં નિષ્ફળ રહ્યો હતો. તેના કારણે તેની ફિટનેસ પર પણ સવાલો ઊભા થયા હતા. ખાસ કરીને પાકિસ્તાનના ઘણા ભૂતપૂર્વ ક્રિકેટર્સે કહ્યું હતું કે રોહિત શર્મા અનફિટ છે. કેટલાક ભૂતપૂર્વ ભારતીય ક્રિકેટર્સ પણ આ તેમની વાતથી સહમત હતા.
વિરાટ કોહલીને ફોલો કરી રહ્યો છે રોહિત શર્મા
રોહિત શર્મા ન્યૂઝીલેન્ડ તો નથી ગયો પરંતુ તેને કદાચ ખ્યાલ આવી ગયો છે કે તેની ફિટનેસ સારી નથી. તેથી હાલમાં તે વિરાટ કોહલીના માર્ગ પર ચાલી નીકળ્યો છે. તે નેટ પર આકરી મહેનત કરતો જોવા મળી રહ્યો છે. આ દરમિયાનની તસ્વીરો પણ તે સોશિયલ મીડિયા પર શેર કરી રહ્યો છે. વિરાટ કોહલીએ પણ આવું જ કંઈક કર્યું હતું. કોહલી જ્યારે ખરાબ ફોર્મમાંથી પસાર થઈ હ્યો હતો ત્યારે તેપણ ઈંગ્લેન્ડથી પરત ફર્યો હતો જ્યારે ભારતીય ટીમ વેસ્ટ ઈન્ડિઝ અને ઝિમ્બાબ્વેના પ્રવાસે ગઈ હતી. તે મુંબઈમાં નેટમાં અને જિમમાં મહેનત કરી રહ્યો હતો.
આવી જ રીતે ફોર્મમાં પરત ફર્યો હતો કિંગ કોહલી
વિરાટ કોહલીની મહેનત રંગ લાવી હતી અને તે એશિયા કપમાં ફોર્મમાં પરત ફર્યો હતો. ત્યારબાદ તેણે ટી20 વર્લ્ડ કપમાં ઐતિહાસિક પ્રદર્શન કર્યું હતું. ખાસ કરીને પાકિસ્તાન સામે તેણે લાજવાબ વિજય અપાવ્યો હતો. હવે રોહિત શર્મા બાંગ્લાદેશ પ્રવાસથી ફોર્મ પરત મેળવે તેવી આશા રાખવામાં આવી રહી છે. રોહિત શર્મા વન-ડે સીરિઝમાં સતત આરામ લઈ રહ્યો છે જેના કારણે પણ તેની ટીકાઓ થઈ રહી છે.
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ