રિશભ પંતની તુલનામાં લોકેશ રાહુલ વધારે અનુભવી
અનુભવની વાત કરવામાં આવે તો લોકેશ રાહુલ રિશભ પંતથી ઘણો આગળ છે. લોકેશ રાહુલ હાલમાં 30 વર્ષનો છે અને તેણે ભારત માટે 68 ટી20, 45 વન-ડે અને 43 ટેસ્ટ મેચ રમી છે. જ્યારે 25 વર્ષીય વિકેટકીપર બેટર રિશભ પંતે 62 ટી20, 27 વન-ડે અને 31 ટેસ્ટ મેચ રમી છે.
રનના મામલે પણ રાહુલ પંત કરતા આગળ છે
લોકેશ રાહુલે અત્યાર સુધી ટી20માં 2150 રન નોંધાવ્યા છે. જ્યારે વન-ડેમાં તેના નામે 1665 રન છે. ટેસ્ટમાં તેણે અત્યાર સુધી 2547 રન ફટકાર્યા છે. જ્યારે રિશભ પંતે ટી20માં 961 રન ફટકાર્યા છે. વન-ડેમાં તેણે 840 અને ટેસ્ટમાં 2124 રન નોંધાવ્યા છે.
ટી20માં છેલ્લી 4 મેચમાં પ્રદર્શન
જોકે, છેલ્લી ચાર ટી20 મેચમાં બને ખેલાડીઓના પ્રદર્શનની વાત કરવામાં આવે તો કોઈ પરક જોવા મળતો નથી. રિશભ પંત ઘણી વખત પોતાની વિકેટ ફેંકી દેવા અને ખોટા શોટ ફટકારવાના કારણે ટીકાઓનો ભોગ બને છે. છેલ્લી ચાર ટી20 મેચમાં રાહુલે 9, 4, 57 અને 51 રન ફટકાર્યા છે. જ્યારે રિશભ પંતે 27, અણનમ 20, 17 અનને 14 રનની ઈનિંગ્સ રમી છે.
આંકડા રાહુલના પક્ષમાં, રિશભ પંતમાં છે એક્સ ફેક્ટર
આંકડાની દ્રષ્ટીએ જોઈએ તો લોકેશ રાહુલનું પલડું ભારે જોવા મળી રહ્યું છે. તેના નામે આંતરરાષ્ટ્રીય ટી20માં બે સદી પણ છે. જોકે, તે વાતને નકારી શકાય નહીં કે રિશભ પંત એક એક્સ ફેક્ટર ખેલાડી છે. ઓસ્ટ્રેલિયામાં તેનો રેકોર્ડ પણ શાનદાર છે. જોકે, તે તમામ ઈનિંગ્સ ટેસ્ટ મેચની છે. પંતની ઈમેજ એક ફિનિશરની છે. ઈનિંગ્સની શરૂઆત કરવાનો અનુભવ જરૂર છે પરંતુ તે આ પોઝિશનમાં એક્સપર્ટ પ્લેયર નથી.