r ashwin, IND vs SA: R Ashwinની મહેનત પર Virat Kohliએ ફેરવ્યું પાણી, સરળ કેચ છોડતાં Rohit Sharma પણ ગુસ્સે થયો – ind vs sa virat kohli dropped catch a ashwin and rohit sharma in disbelief

પર્થઃ ફાસ્ટ બોલર લુંગી એનગિડીની ઘાતક બોલિંગ અને એડન માર્કરામ (Aiden Markram) તેમજ ડેવિડ મિલરની (David Miller) અડધી સદીના દમ પર સાઉથ આફ્રિકાએ (IND vs SA) રવિવારે રાતે ભારતને પાંચ વિકેટથી હરાવ્યું હતું. ભારતની હાર પાછળનુ કારણ ટોપ ઓર્ડરના બેટ્સમેનની (T20 World Cup) નિષ્ફળતા રહી, જેઓ ઓપ્ટસ સ્ટેડિયમની ઝડપી અને ઉછાળવાળી પીચ પર ફિટ થઈ શક્યા નહીં. ઓફ સ્પિનર રવિચંદ્રન અશ્વિને ચાર ઓવરમાં 43 રન આપ્યા હોવાથી ભારતને પાંચમા ફાસ્ટ બોલરની કમી વર્તાઈ હતી. સાથે જ ટીમ ઈન્ડિયાની ખરાબ ફિલ્ડિંગ પણ આ વખતે હાર માટે મહત્વનું કારણ રહી હતી.

IND vs SA: વિરાટ કોહલીએ 12 રનની ઈનિંગમાં પણ બનાવી દીધો શાનદાર રેકોર્ડ

વિરાટ કોહલીએ છોડ્યો સરળ કેચ
ટોસ જીતીને કેપ્ટન રોહિત શર્મા (Rohit Sharma) પહેલા બેટિંગ કરવાનું નક્કી કર્યું હતું અને ટીમે 9 વિકેટના નુકસાન પર 20 ઓવરમાં 133 રન બનાવ્યા હતા. ખરાબ શરૂઆતથી બહાર આવતાં સાઉ આફ્રિકાએ બે બોલ પહેલા જ પાંચ વિકેટથી જીત મેળવી હતી. જો કે, ફાસ્ટ બોલર અર્શદીપ સિંહે સાઉથ આફ્રિકાની શરૂઆત બગાડી હતી. પરંતુ એડન માર્કરામ અને ડેવિડ મિલરે ટીમને સંભાળી હતી. એક સમય એવો પણ આવ્યો હતો જ્યારે આર અશ્વિને (R Ashwin) લગભગ મારક્રમને આઉટ કરીને આ પાર્ટનરશિપને તોડી જ દીધી હતી, પરંતુ વિરાટ કોહલીએ (Virat Kohli) સરળ મેચ બે વખત છોડીને બધી મહેનત પર પાણી ફેરવી દીધું હતું.

T20 World Cup 2022: SA સામેની મેચમાં IND હારી જતા પાકિસ્તાનમાં છવાયો માતમ!

કોહલીએ કેચ છોડતાં ગુસ્સે થયો રોહિત શર્મા
12મી ઓવરની વાત છે. પાંચમા બોલ પર મારક્રમે પુલ કરવાનો પ્રયાસ કર્યો હતો. ડીપ મિડવિકેટ પર કોહલીએ સરળ કેચ છોડી દીધો હતો. અશ્વિન પાસે માથા પર હાથ રાખીને ઉભા રહેવા સિવાય કોઈ વિકલ્પ નહોતો. ડીપ મિડ વિકેટ અને લોન્ગ ઓન વચ્ચે મારક્રમે હવામાં શોટ માર્યો હતો. બાઉન્ડ્રી પર રહેલા કોહલીએ પાસે કેચ કરવાની તક આવી હતી, તેને તે પકડી શક્યો નહીં. આ મેચનો ટર્નિંગ પોઈન્ટ પણ રહ્યો. આ સમયે કેપ્ટન રોહિત શર્માના ચહેરા પર પણ ગુસ્સાના હાવભાવ જોવા મળ્યા હતા. માર્કરામે 41 બોલમાં 52 રન કર્યા હતા. 126.83ની સ્ટ્રાઈક રેટથી બેટિંગ કરતાં મારક્રમે 6 ચોગ્ગા અને 1 સિક્સર ફટકારી હતી. ત્યારબાદ હાર્દિંક પંડ્યાના બોલ પર મોટો શોટ ફટકારવાના ચક્કરમાં કેચ આઉટ થઈ ગયો હતો. પરંતુ ત્યાં સુધીમાં ઘણું મોડું થઈ ગયું હતું.

Read Latest Cricket News And Gujarati News