ખરાબ શરૂઆત બાદ પાકિસ્તાનના બેટર્સ ચમક્યા
પાકિસ્તાનની શરૂઆત ખરાબ રહી હતી. ઓપનર બાબર આઝમ ફરી એકવાર નિષ્ફળ રહ્યો હતો. તે 9 રનની ઈનિંગ્સ રમીને ઓફ સ્પિનર અહેસાન ખાનનો શિકાર બન્યો હતો. ફખર ઝમાન અને મોહમ્મદ રિઝવાને બીજી વિકેટ માટે 116 રનની પાર્ટનરશિપ કરી હતી. બંને બેટર્સ શરૂઆતમાં ધીમી બેટિંગ કરતા હતા, પરંતુ પિચ પર સેટ થયા બાદ તેઓ બોલર્સ પર તૂટી પડ્યા હતા. ફખર 41 બોલમાં 2 સિક્સ અને 3 ચોગ્ગાની મદદથી 53 રન બનાવીને પેવેલિયન પરત ફર્યો હતો.
છેલ્લી ઓવરમાં 29 રન બન્યા
હોંગકોંગના ફાસ્ટ બોલર એજાજ ખાને ઈનિંગ્સની છેલ્લી ઓવરમાં 29 રન આપી દીધા હતા. પાકિસ્તાની બેટર ખુશદિલ શાહ પ્રથમ બે બોલમાં એક પણ રન બનાવી શક્યો ન હતો. પરંતુ પછીના ચાર બોલમાં 4 સિક્સર ફટકારી હતી. આ દરમિયાન બોલર એક બોલ વાઈડ ફેંક્યો હતો અને તે બોલ ઉપર ચોગ્ગો વાગ્યો હતો. પાકિસ્તાન તરફથી વિકેટકીપર મોહમ્મદ રિઝવાને 57 બોલમાં 78 રનની અણનમ ઈનિંગ્સ રમી હતી.
38 રનોમાં હોંગકોંગ ઓલ આઉટ
હોંગકોંગના બેટર્સે ભારતની સામે સારી બેટિંગ કરી હતી, પણ પાકિસ્તાનની સામે તે પૂરી રીતે ફેઈલ થઈ ગયા હતા. ત્રીજી ઓવરમાં 16 રનોના સ્કોર પર ટીમને પહેલો ઝટકો લાગ્યો હતો. જે બાજ વિકેટ પડવાનો સિલસિલો શરૂ થઈ ગયો હતો. 38 રનોના સ્કોર પર ટીમ ઓલ આઉટ થઈ ગઈ હતી. આ ટી20 ઈન્ટરનેશનલમાં સંયુક્ત રીતે 9મો સૌથી ઓછો સ્કોર હતો. તેમનો એકપણ બેટ્સમેન 8 રનથી વધારે રન બનાવી શક્યો ન હતો. પાકિસ્તાન તરફથી લેગ સ્પિનર શાબાદ ખાને 4 અને મોહમ્મદ નવાઝે 3 વિકેટ ઝડપી હતી.