MS Dhoni, Ziva Dhoniને ક્રિકેટ નહીં પરંતુ ફૂટબોલ પ્રત્યે છે પ્રેમ, દીકરીને મેદાન પર રમતી જોઈ નિહાળતો રહ્યો MS Dhoni – ms dhoni played football match with daughter ziva during training session

ચેન્નઈઃ હાલ ચાલી રહેલા ઈન્ડિયન પ્રીમિયર લીગ 2023 (IPL 2023) માત્ર ધોની (MS Dhoni) જ નહીં પરંતુ તેના ફેન્સ માટે પણ ખૂબ જ ખાસ છે. કારણ કે, આ તેની અંતિમ ટી20 લીગ હોવાનું કહેવામાં આવી રહ્યું છે. ધોનીના કરોડો ફેન્સ છે, ઈન્ટરનેશનલ ક્રિકેટમાંથી તેણે વર્ષો પહેલા જ સંન્યાસ લઈ લીધો હતો પરંતુ આજે પણ જ્યારે ભારત વિરોધી ટીમ સામે હારે છે ત્યારે-ત્યારે ફેન્સ દ્વારા તેને યાદ કરવામાં આવે છે. ઘણા ભારતીયો માટે આજે પણ ક્રિકેટનો અર્થ માત્ર ધોની છે. ધોનીને ક્રિકેટથી જ પૈસા, ખ્યાતિ અને પ્રેમ બધું જ મળ્યું છે, તેને માત્ર ક્રિકેટ જ નહીં ફૂટબોલ પ્રત્યે પણ એટલો જ પ્રેમ છે. તે ઘણીવાર પ્રેક્ટિસ દરમિયાન સાથી ખેલાડીઓ સાથે ફૂટબોલ રમતો જોવા મળે છે. દીકરી ઝીવા (Ziva Dhoni) પણ પિતાના માર્ગ પર હોવાનું લાગી રહ્યું છે.

હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરો

દીકરી સાથે ફૂટબોલ રમ્યો ધોની

See more

ઝીવા પિતા ધોની પર ગઈ છે, તેને પણ ફૂટબોલ ખૂબ પસંદ છે. બુધવારે દિલ્હી કેપિટલ્સ સામે મેચ રમાઈ તે પહેલા ટીમના ખેલાડીઓના બાળકો પણ ટ્રેનિંગ કેમ્પમાં જોડાયા હતા. કોઈ બોલિંગ કરતું તો કોઈ બેટિંગ કરતું દેખાયું હતું. પરંતુ આ બધામાં ઝીવા, જે ફૂટબોલ રમી રહી હતી તેણે બધાનું ધ્યાન ખેંચ્યું હતું. આઈપીએલના ટ્વિટર હેન્ડલ પરથી આ ક્યૂટ વીડિયો શેર કરવામાં આવ્યો છે. આ સાથે લખ્યું છે ‘ક્યૂટનેસ ઓવરલોડેડ. #DC સામે ટક્કર થઈ તે પહેલા
@ChennaiIPL ટ્રેનિંગ કેમ્પમાં બાળકોનો દિવસ હતો’. આ સિવાય સીએસકેના ઈન્સ્ટાગ્રામ પેજ પરથી પણ ધોની અને ઝીવાની તસવીર શેર કરવામાં આવી છે, જેમાં ક્રિકેટર સ્ટ્રેચિંગ કરી રહ્યો છે અને દીકરી સામે જોઈ રહ્યો છે. આ તસવીર પર ફેન્સે ખૂબ પ્રેમ વરસાવ્યો છે. એક ફેને લખ્યું છે ‘ખૂબ જ સુંદર ફોટો. થલાઈ ફોરએલર’, એક ફેને ઝીવા મોટી થઈને ભારતીય મહિલા ક્રિકેટ ટીમની કેપ્ટન બનશે તેમ લખ્યું હતું. તો એક ફેને બાપ-દીકરીની જોડીને ક્યૂટ ગણાવી હતી. એક ફેને લખ્યું ‘માહી હજી 25 વર્ષનો જ હોય તેમ લાગે છે’. આ સિવાય કેટલાકે રેડ હાર્ટ ઈમોજી પણ ડ્રોપ કર્યા છે.

CSK vs DC: ધોની વિશે આ શું બોલી ગયો રવિન્દ્ર જાડેજા? ફેન્સને જરાય નહીં ગમે વાત

ધોનીની બેટિંગ જોઈ ઉછળી પડી સાક્ષી-ઝીવા
ચેન્નઈ સુપર કિંગ્સના કેપ્ટન ધોનીને બેટિંગ કરતો જોવા માટે ફેન્સનો ઉત્સાહ પીક પર રહે છે. જો કે, આઈપીએલ 2023માં તેને એટલો બેટિંગ કરતો જોવા મળ્યો નહીં. તે બેટિંગ કરવા માટે બેટિંગ ઓર્ડરમાં ઘણા નીચા ક્રમ પર આવવા લાગ્યો છે, જેના કારણે તે વધારે બેટિંગ નથી કરી શકતો અથવા એક-બે બોલ રમી શકે છે. પરંતુ દિલ્હી કેપટલ્સ સામે માહી બેટિંગ કરવો આવ્યો અને તેનું જૂનું રૂપ જોવા મળ્યું. આટલું જ નહીં મેચ બાદ તેની દીકરી પણ મેદાનમાં જોવા મળી. બંનેની એક તસવીર સોશિયલ મીડિયા પર વાયરલ થઈ રહી છે.

IPL: ધોનીસેનાનું ઓલ-રાઉન્ડ પ્રદર્શન, હોમગ્રાઉન્ડમાં ચેન્નઈએ દિલ્હીને હરાવ્યું

ધોની અને ઝીવાની ક્યૂટ મોમેન્ટ

ફિનિશરના નામથી જાણીતા ધોનીએ દિલ્હી સામે ફરી એકવાર શાનદાર બેટિંગ કરી હતી. અંતમાં આવીને વિસ્ફોટક અંદાજમાં ચેન્નઈની ઈનિંગને ખતમ કરી હતી. તેણે 222ના તોફાની સ્ટ્રાઈક રેટ પર બેટિંગ કરતાં 9 બોલ પર 20 રન ફટકાર્યા હતા, જેમાં એક છગ્ગો અને એક ચોગ્ગો સામેલ છે. તેના પ્રદર્શનના કારણે ચેન્નઈ દિલ્હીને 168 રનનું લક્ષ્ય આપવામાં સફળ રહ્યું હતું. આ મેચ જોવા માટે ધોનીની પત્ની સાક્ષી અને દીકરી ઝીવા પણ આવ્યા હતા. ધોનીએ જ્યારે સિક્સર ફટકારી ત્યારે સાક્ષી ખુશીથી ઉછળી પડી હતી તો ઝીવાએ સીટી મારી હતી. જીત બાદ ઝીવા મેદાનમાં દોડી આવી હતી અને આ દરમિયાન બાપ-દીકરીની ક્યૂટ મોમેન્ટ કેમેરામાં કેદ થઈ હતી. બંનેએ એકબીજાને હગ આપ્યું હતું.

27 રનથી હાર્યું દિલ્હી કેપિટલ્સ
ચેન્નઈ સુપર કિંગ્સના કેપ્ટન ધોનીએ ટોસ જીતીને પહેલા બેટિંગ કરતાં 8 વિકેટના નુકસાન પર 167 રન બનાવ્યા હતા. ચેપોક સ્ટેડિયમમાં આટલા રન ડેવિડ વોર્નરની દિલ્હી કેપિટલ્સને હરાવવામાં પૂરતા રહ્યા. 168 રનના ટાર્ગેટનો પીછો કરતાં દિલ્હી 8 વિકેટ પર 140 રન જ બનાવી શક્યું હતું અને 27 રનથી હાર મળી હતી. આ સીઝનમાં 11 મેચમાંથી દિલ્હીની સાતમી હાર હતી. તેનું પ્લેઓફમાં પહોંચવાનું સપનું લગભગ તૂટી ગયું છે.

Read latest Cricket News and Gujarati News