MS Dhoni, MS Dhoni: IPL 2023ની ફાઈનલ મેચ ખતમ થયા બાદ ધોનીના હાથમાં જોવા મળેલી આ ક્યૂટ બાળકી કોણ છે? – ms dhoni played with mitchell santner daughter after winning ipl 2023 tropy

અમદાવાદઃ મહેન્દ્ર સિંહ ધોનીની (MS Dhoni) કેપ્ટનશિપમાં ચેન્નઈ સુપર કિંગ્સે ગુજરાત ટાઈટન્સને (CSK vs GT) પાંચ વિકેટથી હરાવીને આઈપીએલ 2023ની (IPL 2023 Final) ટ્રોફી પોતાના નામે કરી લીધી. આ સાથે જ સીએસકેએ મુંબઈ ઈન્ડિયન્સની બરાબરી કરી લીધી છે, જે અત્યારસુધીમાં એક માત્ર તેવી ફ્રેન્ચાઈઝી હતી જે પાંચ વખત ચેમ્પિયન બની હતી. હવે, ચેન્નઈ પાસે પણ પાંચ ટાઈટલ છે. જીત થતાની સાથે જ આખી ટીમ મેદાનમાં દોડી ગઈ હતી અને જબરદસ્ત ઉજવણી કરી હતી. આ દરમિયાન ધોની સૌથી વધારે શાંત અને ખુશ દેખાતો હતો. તે ફરીથી આઈપીએલની ટ્રોફી જીતવાનો આનંદ લઈ રહ્યો હતો. તેવામાં તેના ખોળામાં એક ક્યૂટ બાળકી પણ જોવા મળી, જેની સાથેની તેની તસવીરો સોશિયલ મીડિયા પર વાયરલ થઈ રહી છે.હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરો

ધોનીની ખોળામાં જોવા મળેલી આ ક્યૂટ બાળકી કોણ છે?
અમદાવાદના નરેન્દ્ર મોદી સ્ટેડિયમમાં આઈપીએલ 2023ની ફાઈનલ જીત્યા બાદ ધોની ઘણો ખુશ દેખાયો હતો. મેચ બાદ તે સાથી ખેલાડી અને તેમના પરિવારને પણ ખૂબ ઉમળકાભેર મળ્યો હતો. આ દરમિયાન તેણે ન્યૂઝીલેન્ડના ઓલરાઉન્ડર મિચેલ સેંટનરની દીકરીને તેડી લીધી હતી. સેંટરન છેલ્લા ઘણા સમયથી આઈપીએલની ફ્રેન્ચાઈઝી ચેન્નઈ સુપર કિંગ્સ સાથે જોડાયેલો છે. ધોનીએ મિચેલની દીકરી સાથે તસવીરો ક્લિક કરાવી હતી અને તેના પર ખૂબ પ્રેમ વરસાવ્યો હતો.

CSKની જીત બાદ મેદાન પર પતિ રવિન્દ્ર જાડેજાને ભેટી પડ્યા રિવાબા, આંખમાં છલકાયા ખુશીના આંસુ

‘ફેમિલી મેન’ ધોની

આઈપીએલની ફાઈનલ મેચ વખતે પણ ધોનીની પત્ની સાક્ષી અને દીકરી ઝીવા હાજર રહ્યા હતા. રવિન્દ્ર જાડેજાએ જેવો ચોગ્ગો ફટકારી ટીમને જીતાડી કે સ્ટેન્ડમાં ઉભેલી સાક્ષી ખુશીથી ઉછળી પડી હતી અને ઝીવાને હાઈફાઈ આપ્યો હતો. આ દરમિયાન રિવાબા પણ તેની બાજુમાં જ ઉભા હતા ત્યારે તે તેમને ભેટી પડી હતી. થોડા સમય બાદ મા-દીકરી મેદાનમાં પહોંચી હતી અને ધોનીને અભિનંદન પાઠવ્યા હતા. આ તસવીર પણ વાયરલ થઈ રહી છે.

IPL 2023ની ફાઈનલ મેચ હારી ગયા બાદ પણ કેમ ખુશ છે GT કેપ્ટન હાર્દિક પંડ્યા?

હજી એક સીઝન રમશે ધોની
ફાઈનલમાં ગુજરાત ટાઈટન્સ સામે પાંચ વિકેટથી જીત બાદ જ્યારે ધોનીને સંન્યાસ લેવા વિશે પૂછ્યું તો તેણે કહ્યું હતું કે ‘જો પરિસ્થિતિને જોઈએ તો આ મારા માટે સંન્યાસ લેવાનો શ્રેષ્ઠ સમય છે. મારા માટે તે કહેવું સરળ છે કે હું વિદાય લઈ રહ્યો છું પરંતુ આગામી નવ મહિના સુધી આકરી મહેનત કરી પરત ફરવું અને વધું એક સીઝન રમવી મુશ્કેલ છે. શરીરને સાથ આપવું પડશે. ચેન્નઈના ફેન્સે મને જે પ્રકારનો પ્રેમ આપ્યો છે, તેમના માટે મારી ગિફ્ટ એ જ હશે કે હું વધુ એક વર્ષ રમું. તેમણે જે પ્રેમ દેખાડ્યો છે, મારે પણ તેમના માટે કંઈક કરવું જોઈએ. આ મારા કરિયરનો અંતિમ સમય છે. અહીંયાથી જ શરૂઆત થઈ હતી અને આખું સ્ટેડિયમ મારું નામ લઈ રહ્યું હતું. આવું ચેન્નઈમાં પણ થયું હતું પરંતુ હું કમબેક કરી જેટલું રમી શકીશ એટલું રમીશ’.

કંઈક આવો રહ્યો ફાઈનલ મેચનો હાલ
ગુજરાત ટાઈટન્સને પહેલા બેટિંગ કરતાં 4 વિકેટ પર 20 ઓવરમાં 214 રન બનાવ્યા હતા. ચેન્નઈ સુપર કિંગ્સ સામે 215 રનનો મોટો ટાર્ગેટ હતો. મેચ વખતે વરસાદ આવતા ચેન્નઈને 15 ઓવરમાં 171 રન બનાવવાના હતા. રવિન્દ્ર જાડેજાએ છેલ્લા બે બોલમાં ચોગ્ગો અને છગ્ગો ફટકારી ટીમને પાંચ વિકેટથી જીતાડી ચેમ્પિયન બનાવ્યું હતું.

Read latest Cricket News and Gujarati News